BOBONARO, 10 janeiru 2023 (TATOLI)- Servisu Rejistu no Verifikasaun Emprezariál, Institutu Públiku (SERVE, I.P) Sukursál Munisipiu Bobonaro, hahú hosi fulan janeiru to’o dezembru rekolla reseita hamutuk $8,258.45 hodi hatama ba kofre estadu.
Koordenadór Sukurál SERVE,I.P Munisípiu Bobonaro, Leopoldo Perreira Fernandes, esplika fonte reseita hirak-ne’e kontruibui liuhosi atividade simu pedidu ne’ebé submete hosi kliente sira hodi halo alterasaun no renovasaun dokumentu komersiál.
Alende klinete sira-ne’ebé mai halo alterasaun ba estatutu hodi aumenta atividade n atividade transformasaun hosi estatutu hosi Ening ba Unipesoál Lda.
Notísia relevante: Programa rejistrasaun movél, SERVE alista empreza 52 iha Bobonaro
“Iha semestre dahuluk hahú hosi janeiru to’o jullu ita konsege rekolla rihun $3.156, no semestre daruak jullu to’o Dezembru rekola $5,102.45, totál $8.258,45 ba tinan 2022 nian,” nia informa ba Tatoli, iha Maliana, tersa ne’e.
Koordenadór ne’e subliña, maske sukursál refere seidauk halo enkontru ba planu prioridade tinan 2023 nian, maibé antes ne’e hato’o ona relatóriu anuál ba SERVE sentrál atu kontinua implementa atividade rejistu movél atubele fahe informasaun kona-bá rejistu komersiál sira no bele fanun kliente sira mai renova dukumentu lisensa sira-ne’ebé liu ona prazu.
“Sira labele mai renova dokumentu tanba falta imformasaun, entaun efeitu hosi rejistu movél ita konsege hasa’e númeru rejistu iha munisípiu Bobonaro tanba antes ne’e kada fulan ida ita simu de’it rejistu foun ne’e dalaruma 10 mós la to’o,” Leopoldo haktuir.
Enkuantu atividade rejistu movél ne’ebé SERVE,I.P Bobonaro lansa iha fulan-agostu to’o setembru implementa iha postu administrativu Bobonaro konsege rejista lisensa negósiu hamutuk 19 komposti hodi Enin 16, unipesoál Lda tolu, postu administrativu Lolotoe 29 enin, 26 unip Lda tolu no postu administrativu Balibo hamutuk 20 ho kategoria enin hotu kedas.
Maibé responsável SERVE,I.P sukursál Bobonaro ne’e, subliña sei falta postu administrativu Atabae no Cailaco mak seidauk realiza atividade rejistu movél.
“Ita-nia planu iha hela, maibé depende mós ba iha nasionál, sira hatán no aseita ho ita-nia razaun sira-ne’e, espera iha tinan 2023 ita bele realiza tán hodi konklui postu rua ne’ebé seidauk,” nia katak.
Notísia relevante: SERVE atribui ona lisensa komersiál ba kioske 26 iha Lolotoe
Jornalista : Sérgio da Cruz
Editór : Evaristo Soares Martins
