iklan

DILI, POLÍTIKA

Komisáriu CAC Sergio Hornai nia mandatu ramata iha 21 janeiru

Komisáriu CAC Sergio Hornai nia mandatu ramata iha 21 janeiru

Komísariu CAC, Sergio Hornai. Imajen Tatoli/António Gonçalves.

DILI, 20 janeiru 2023 (TATOLI)—Prezidente Parlamentu Nasionál, Aniceto Longuinhos Guterres Lopes, sesta ne’e, hala’o enkontru ho Komisáriu Komisaun Antí Korrupsaun (CAC, siglá portugés), Sergio Hornai da Costa, hodi ko’alia kona-ba lideransa estrutura CAC atuál ne’ebé nia mandatu atu ramata iha 21 janeiru 2023.

Notísia Relevante: CAC introdús espasu online ba Deklarasaun Rendimentu Bens no Interese

“Ohin, ha’u mai hasoru Prezidente Parlamentu, tanba konvokatóriu ida hosi Prezidente ba CAC relasiona funsionamentu servisu balun hala’o durante terseiru mandatu liu-liu iha 2019-2022, ne’ebé liuhosi prosesu eleisaun ida-ne’ebé halo tiha ona iha 15 janeiru 2019. Tinan haat liuba kotuk depois tomada pose akontese iha 21 janeiru 2019, loron ka minutu balun tan komisáriu CAC ninia mandatu sei termina iha 21 janeiru 2023,” Komisáriu CAC, Sergio Hornai, hateten ba jornalista sira hafoin ramata enkontru iha Parlamentu Nasionál.

Nia hato’o ba Prezidente Parlamentu Nasionál ho motivasaun prinsipál oinsá atu bele PN iha kompeténsia ho Governu ne’ebé sei halo proposta ba iha kandidatu atu bele fó kontinuasaun lidera funsionamentu instituisaun ne’e.

“Tanba ita hakarak instituisaun ne’e nia funsionamentu la’o di’ak, hodi nune’e bele jere no administra servisu sira iha investigasaun kriminalidade, servisu administrasaun iha deklarasaun rendimentu bens no interrese deklarante sira ninian no mós servisu prevensaun durante CAC hala’o,” nia dehan.

Nia hato’o agradesimentu ba PN no sosiedade tomak ba apoiu konfiansa ne’ebé durante fó hodi lidera instituisaun durante mandatu tinan haat.

Durante sorumutu, Prezidente PN hato’o katak PN iha plena podér lejitimidade atu deside komisáriu CAC foun iha tempu badak.

Nia relata progresu servisu durante mandatu konstitui arguidu 333 kompeténsia ba órgaun seluk atu halo julgamentu, haree mós prezuiju Estadu ne’ebé konsege halibur osan ba kofre Estadu liuhosi medida prevensaun kuaze millaun $7.

“Tanba ita hotu hatene krime korrupsaun kompleksidade, kuantidade la’ós permanente depende kazu ninia prezuiju sira. Ita halo exersísiu sira makaas tanba medida prevensaun ninian hanesan iha Cesta Bázika, distribuisaun subsídiu fim do ano $200, inklui servisu investigasaun kriminalidade,” nia hateten.

Tipu kazu rejista hanesan abuzu podér, krime pekulatu, partisipasaun ekonómika natureza iha krime korrupsaun.

Enkuantu, iha tinan 2022 to’o mai agora CAC rejista kazu korrupsaun hamutuk 120 no hosi númeru ne’e 70-resin remete ona ba iha Ministériu Públiku (MP) no restu ho komplesidade kontinua prosesu investigasaun.

Notísia Relevante: S. Hornay : “Ha’u Simu Dezafiu Ne’e” Zero Toleránsia ba Korrupsaun

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!