Veteranu Covalima balun foti ona uniforme no balun seidauk
COVALIMA, 27 janeiru 2023 (TATOLI)–Prezidente Konselu Vereranu Munisípiu Covalima, Osório Soares “Mausoko”, hateten veteran sira iha Covalima finaliza ona sukat sira-nia uniforme no hein atu foti.
Notísia Relevante: Veteranu 700-resin iha Covalima atu suku uniforme
“Kona-ba uniforme ka farda ne’e, veteranu balun finaliza sukat sira-nia uniforme maibé balun foti ona no balun seidauk foti tanba veteranu balun halo kreditu iha banku hodi selu oan nia eskola entaun osan la sufisiénte,” Osório Soares “Mausoko” informa ba agencia tatoli, iha tabakolot, sesta ne’e.
Veteranu ne’ebé finaliza ona sukat uniforme ne’e hosi postu administrativu sira hanesan Fohorem, Fatumea, Fatululik, Tilomar, Zumalai, Maucatar no postu administrativu Suai finaliza ona maibé hein atu foti de’it.
Maske finaliza ona sukat uniforme maibé balun seidauk foti, tanba veteranu ho grau 8-18 kada fulan simu de’it osan $276.00 hosi osan ne’e haruka selu nia oan ba eskola no gasta mós ba nesesidade uma laran ho presu nesesidade bázika sae.
veteranu sukat uniforma kada ema-ida kontribui osan $155.00 la’ós fó dala-ida maibé selu ba faze dahuluk atu sukat selu $80.00, hafoin atu foti sei selu tan osan $75.00 ho nune’e hamutuk 155.00.
Uniforme ba veteranu ne’e kompañia suku ho pakote hanesan kalsa, kamiza, kazaku, gravata no xapeo ba veteranu sira kór mutin malahuk no ba martir sira kór mean ne’ebé suku iha indonézia.
Tuir dadus veteranu no martir hosi postu admibistrativu hitu (7) iha munisípiu Covalima hamutuk 2000-resin no hosi hosi númeru ne’e sé mak foti ona no hira mak seidauk foti uniforme ne’e, nia parte la lembra.
Notísia Relevante: Veteranu Covalima kontribui $155 hodi sukat no suku uniforme
Jornalista : Celestina Teles
Editór : Cancio Ximenes
