MSSI atualiza dadus benefisáriu “bolsa da mãe jerasaun foun” 15.141
DILI, 30 janeiru 2023 (TATOLI)—Diretór Jerál Ministériu Solidariedade Sosiál no Inkkuzaun (MSSI), Florêncio Pina Dias Gonjaga, dehan, to’o iha loron 28 janeiru tinan ne’e, MSSI atualiza dadus benefisiáriu hamutuk 15.141.
Notísia Relevante: Ajénsia TPAY sei halo pagamentu ba bolsa da màe jerasaun foun
“To’o semana kotuk ne’e ita-nia aplikante ba bolsa da mãe jerasaun foun iha munisípiu Ainaro, Bobonaro no Rejiaun Administrativa Espesiál Oé-Cusse Ambeno (RAEOA) hamutuk 15.141 maibé konta ba benefisiáriu 18.957,” Diretór Jerál Ministériu Solidariedade Sosiál no Inkkuzaun (MSSI), ne’e hateten ba Agência Tatoli, iha nia kna’ar fatin MSSI Caicoli, segunda ne’e.
Hosi númeru benefisáriu hirak ne’e, benefisiáriu inan isin-rua hamutuk 3.194, labarik ho idade 0-6 hamutuk 15.693 no labarik ho kondisaun defisiénsia hamutuk 70.
“Ita haree númeru benefisiáriu boot liu númeru aplikante tanba iha inan isin-rua balun mai ho oan ho idade ida no iha inan balun oan na’in-rua (2) entaun númeru aumenta sa’e,” nia dehan.
Benefisiáriu sira iha Ainaro ho Bobonaro ne’e, nia haktuir, ajénsia TPAY Telkomcel mak halo pagamentu no pagamentu ne’e hahú ona iha fulan hirak liubá.
Ba programa Bolsa da Mãe Jerasaun Foun ne’e, Governu aloka osan iha faze dahuluk no daruak nian hamutuk millaun $13.7.
Botísia Relevante: MSSI rekruta pesoál rejistu “bolsa da mãe jerasaun foun” faze daruak
Jornalista : Osoria Marques
Editór : Cancio Ximenes
