iklan

NASIONÁL

UNICEF: traballu infantil iha Timor-Leste impaktu hosi ekonómia família

UNICEF: traballu infantil iha Timor-Leste impaktu hosi ekonómia família

Atividade labarik faan manu-tolun daan iha dalan ninin. Imajen/TATOLI.

DILI, 30 janeiru 2023 (TATOLI)—Reprezentante Fundu Emerjénsia ba Labarik Nasaun Unida (UNICEF) iha Timor-Leste, Bilal Aurang Zeb Durrani, hateten kestaun traballu infantil iha Timor-Leste tanba impaktu hosi situasaun ekonómia família nian.

Notísia Relevante: PN diskute projetu-lei protesaun ba labarik iha espesialidade

“Ha’u observa katak kestaun traballu labarik iha Timor-Leste hetan impaktu hosi falta situasaun ekonomia família tanba ki’ak no akontese tanba razaun ruma,” Bilal Aurang Zeb Durrani hateten ba Agência Tatoli, iha sala Suai Room Timor Plaza, segunda ne’e.

Reprezentante UNICEF iha Timor-Leste, Bilal Aurang Zeb Durrani. Imajen Tatoli/TATOLI

Nia hatutan, UNICEF hala’o peskiza hodi identifika kauza prinsipál ba traballu labarik tanba situasaun ekonómia família no kestaun ki’ak iha Timor-Leste no peskiza ne’e mós identifika katak inan-aman envolve oan iha serbisu.

Tanba ne’e, UNICEF servisu hamutuk ho INDDICA no entidade relevante sira seluk hodi fornese planu estratéjiku hodi kombate labarik sira-nia problema traballu iha Timor-Leste.

“Ami dezeña ona planu estratéjia ida atu asegura labarik sira la involve iha kestaun traballu iha Timor-Leste. Ami servisu hamutuk ho Ministru Turizmu Komérsiu no Indústria (MTKI) no dezenvolvimentu sira seluk atu halo Planu Asaun Nasionál ida hodi asegura labarik sira sei la envolve iha traballu infantíl iha Timor-Leste,” nia esplika.

Serbisu labarik nian ne’ebé bele lori perigu no risku ba labarik sira, nune’e Planu Asaun Nasionál sei asegura katak labarik sira labele hetan forma aat ida-ne’e hosi traballu infantíl.

Planu Asaun Nasionál ne’e sei kontrola labarik sira la servisu ka la halo atividade negósiu maibé labarik sira tenke asesu ba Edukasaun, tanba ne’e pontu importante ida atu proteje labarik sira-nia direitu.

Nune’e, UNICEF halo advokasia ba mudansa hahalok no mós Edukasaun nhosi inan-aman, nune’e atu evita atividade ne’ebé ladi’ak ba labarik sira.

“Atividade ida-ne’e ita hala’o daudaun no atu evita atividade sosiál ne’ebé la fó benefísiu ba labarik sira,” nia dehan.

UNICEF hala’o atividade ne’e mak edukasaun, saúde, nutrisaun, no sira seluk hodi responde ba programa protesaun labarik.

“Importante ba inan-aman ne’ebé fó ona oportunidade ba labarik sira atu asesu ba programa hirak ne’e, ne’ebé sei hamenus númeru traballadór labarik iha Timor-Leste,” nia dehan.

Bazeia ba dadus ILO nian ne’ebé aprezenta iha peskiza traballu infantíl fornese ona entendimentu ida-ne’ebé riku ba entidade relevante hotu iha nasaun ne’e kona-ba realidade servisu labarik, karáterístika servisu ne’ebé sira halo, indústria no okupasaun ne’ebé sira envolve no hetan edukasaun.

Ida-ne’e kobre iha uma-kain 1,755 iha munisípiu 13 hotu, rezultadu labarik besik 67,688 (idade tinan 5-17) ka iguál ho 16.1% mak ekonomikamente ativu iha área rurál no urbanu.

Tanba razaun importante liu ba labarik sira atu sai ekonomikamente ativu mak atu aumenta sira-nia família nia rendimentu no barak liu mak halo sira-nia família serbisu.

Iha konstituisaun RDTL artigu 18, Protesaun ba labarik-oan sira, iha alinea 1 hateten Labarik sira iha direitu ba protesaun espesiál hosi família, komunidade, no mós Estadu, liuliu hasoru hahalok hotu hanesan la tau-matan, diskriminasaun, violénsia, opresaun, abuzu seksuál no esplorasaun.

Iha alinéa 2 haktuir, Labarik sira hetan direitu hotu-hotu ne’ebé mundu rekoñese, hanesan direitu sira-ne’ebé hakerek ona iha konvensaun internasionál, ne’ebé Estadu aprova no simu ona ka ratifika fila-fila.

Iha Alinea 3 hateten, Labarik hotu-hotu ne’ebé moris iha kazamentu nia laran ka lae, iha direitu hanesan kona-ba protesaun sosiál.

Notísia Relevante: FOKUPERS husu PN aprova lalais projetu-lei protesaun ba labarik

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!