iklan

BOBONARO, HEADLINE, MUNISÍPIU, SAÚDE

Prevene dengue, Saúde Bobonaro halo fomigasaun ba aldeia Manu-Aman

Prevene dengue, Saúde Bobonaro halo fomigasaun ba aldeia Manu-Aman

Ekipa servisu saúde munisípiu Bobonaro halo hela fomigasaun ba komunidade nia uma iha aldeia Manu-Aman, suku Tapo-Memo, postu administrativu Maliana, hodi prevene moras dengue. Imajen espesiál.

BOBONARO, 06 fevereiru 2023 (TATOLI)-Ekipa servisu saúde munisipiu Bobonaro halo fomigasaun ba uma-kain sira iha aldeia Manu-Aman, suku Tapo-Memo, postu administrativu Maliana hodi prevebe moras dengue.

Ofisiál saúde públika munisípiu Bobonaro, Gil Bernardo Vicente, esplika ekipa tún halo fomigasaun tanba área ne’e mós foin lalais ne’e deteta kazu dengue ida.

Notísia relevante: Limpeza sai prioridade hodi prevene moras dengue

“Ita iha kazu ida, tuir informasaun iha labarik na’in-sia mak baixa, depois ida mak la konsege salva vida, tuir rezultadu Pemeriksaan hosi doutór sira katak deskonfia dengue, maibé tuir rezultadu Laboratóriu negativu,” nia informa ba jornalista sira iha bairru Nunura, aldeia Manu-Aman, domingu ne’e.

Ofisiál saúde públika ne’e haktur, atividade fomigasaun ne’e hala’o durante semana ida ona, tanba iha fulan janeiru ne’e munisípiu Bobonaro rejista kazu tolu, ida iha bairru Atu-Pusin, suku Raifun.

Nune’e mós ida iha aldeia Lepguen, suku Tapo-Memo, postu administrativu Maliana no ida iha aldeia Dama-Laran, suku Aidabalten, postu administrativu Atabae.

Relasiona ho kazu hira-ne’e, ekipa servisu saúde munisipál sei kontinua halo fomigasaun iha área risku sira nune’e bele prevene susuk Aides Ageptys daet labarik sira.

Tanba Munisípi Bobonaro konsidera katak hanesan fatin endemik ba moras dengue.

“Ami husu komunidade sira atu halo prevensaun imtermu liuhosi limpeza, tanba limpeza ne’e importante ba uma-laran no mós iha li’ur, no mós hamoos tanki hariis fatin semana ida dala rua, bee nalihun ita tenke taka tiha, hakoi kalen aat, botir, roda aat no kalan tenke toba iha muskiteiru laran. Ida-ne’e mak medida prevensaun,” nia fó hanoin.

Abitante aldeia Manu-Aman, Bento Oliveira dos Santos, sente kontente no agradese tanba ho prezensa ekipa saúde bele halo prevensaun ba moras dengue.

“Ha’u sente ne’e di’ak tanba hosi saúde mai rega la’ós hanesan uluk tanba ho mesin mak rega nia su’ar tama hotu kintu kantu susuk sira-nia subar fatin ne’e. Ida-ne’e ajuda tebes ami tanba ami iha-ne’e mós hela besik ho animál no buat sira-ne’e moras bele mai kona ami, ne’e ami fó obrigadu barak,” abitante ne’e agradese.

Notísia relevante: Larvisida kombate susuk ne’ebé provoka dengue sufisiente iha armazen SAMES

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!