COVALIMA, 06 Fevreiru 2023 (TATOLI)–Koordenadór World Food Programme (WFP) Covalima, Amandio Jacob da Silva, hateten WFP distribui ai-han nutritivu ba inan isin-rua no inan fó susu inan fó susu bebé iha Covalima ne’e atinje ona 90% ne’ebé ekivalente ba númeru ne’e 2,655.
Notísia Relevante: WFP apoiu ai-han nutritivu ba inan isin-rua iha Covalima
“Ita halo distribuisaun ai-han nutritivu ba inan isin-rua no inan fó susu bebé iha Covalima ne’e atinje ona 90% no ekivalente ba númeru 2,655 ne’ebé ita distribui ona, agora falta ema 290-resin mak seidauk distribui. Tanba ne’e, ita fó hela oportundidade ba sira-ne’ebé la konsege foti ai-han iha suku sira,” Koordenadór WFP Covalima, Amandio Jacob da Silva, relata ba Agência Tatoli liuhosi telfónika, segunda ne’e.
Razaun ema 290-resin seidauk kongese simu ai-han nutritivu ne’e, tanba momentu halo distribuisaun sira la marka prezensaa ho nune’e nafatin husu-sira atu hakat ba Sentru Sosilidareidade Sosiál Covalima, atu nune’e bele simu ai-han nutritivu.
Programa distribui ai-han nutritivu ba inan isin-rua no inan fó susu bebé ne’e iha munisípiu Covalima hahú iha kuarta (11/01/2023) ne’ebé ramata iha kinta (19/01/2023 liubá ne’e.
Programa WFP distribui ai-han nutritivu ba inan isin-rua no inan fó susu bebé ne’e, kobre ona postu administrativu hitu (7) ho nia suku 30 iha munisípiu Covalima, nune’e dadus atinje ona 90%.
Maske programa distribui ai-han nutritivu kobre ona postu adminstrativu hitu, maibé WFP mós kontinua fó oportunidade ba inan isin-rua sira-ne’ebé seidauk konsege simu ai-han nutritivu bele kontinua simu iha Sentru Solidaridade Sosiál Covalima.
Bazea ba alvu WFP distribui ai-han nutritivu, ba inan isin-rua no inan fó susu bebé hamutuk 2,945, no hosi númeru ne’e inan isin-rua no inan fó susu bebé hamutuk na’in-2,655 mak simu ona, falta de’it na’in-290-resin mak seidauk simu.
Jornalista : Celestina Teles
Editór : Cancio Ximenes
