Resensiamentu eleitorál iha diáspora sei hahú 24 fevereiru 2023

DILI, 07 fevereiru 2023 (TATOLI)–Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten Resensiamentu Eleitorál no Atualizasaun Baze Dadus (RE-ABD) iha diáspora sei hahú iha loron 24 fulan-fevereiru tinan ne’e.

Notísia Relevante: Previzaun data Eleisaun Parlamentár sei hala’o iha 06 ka 12 maiu

“Prosesu inisíu sei hahú halo resensiamentu eleitorál no atualizasaun baze dadus iha diáspora iha loron 24 fevereiru, nune’e semana oin ekipa dezloka ona ba diáspora tanba semana kotuk Konsellu Ministru aprova ona dekretu Governu tanba iha dekretu Governu iha 22 no 23 ne’e halo ona formasaun antes ne’e, ekipa tenke desloka ona ba diaspora, nune’e bele prepara ona ekipamentu no halo instalasaun ba ekipamentu iha diáspora,” Director Jerál STAE ne’e hateten ba Agência Tatoli, liuhosi telefónika, tersa ne’e.

Tanba ne’e, nia dehan, ekipa téknika sira sei dezloka ba diáspora hodi halo preparasaun ba molok realiza Resensiamentu Eleitorál no Atualizasaun Baze Dadus (RE-ABD), ba eleisaun parlamentár iha semana oin.

Iha ekipa ne’e, nia dehan, kompostu hosi Sekretáriu Tékniku Administrasaun Eleitorál (STAE), Komisaun Nasionál Eleisaun (CNE), Ministériu Justisa, Ministériu Negósiu Estranjeiru no Kooperasaun (MNEK).

Notísia Relevante: STAE sei lansa resensiamentu eleitorál iha 17 janeiru

Jornalista : Osória Marques

Editór      : Cancio Ximenes