Top

Governu sei gasta $3.800 prodús matrix buletin ba EhD iha Elpar

Diretur STAE.Imajen /TATOLI

DILI, 14 fevereiru 2023 (TATOLI)–Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten Governu sei gasta $3.800 hodi prodús matrix ka template bulletin votu ba ema ho Defisiénsia (EhD_) iha Eleisaun Parlamentar (Elpar) 2023.

Notísia Relevante: STAE prepara ona modelu buletin úniku ba ema defisiénsia matan

“Tuir peskiza ne’ebé iha hanesan Indonézia ba matrix ka template ne’e ho valór sentavus $030 no dala ruma $1. Tuir proposta ne’ebé iha katak kada estasaun mínimu rua, entaun ita iha estasaun 1.900 mak ita multiplika ba rua iha kada estasaun, entaun ita sei presiza $3.800 atu prodús matrix bulletin ne’e,” Acilino Manuel Branco hatete ba Agência Tatoli, iha nia kna’ar fatin, Caicoli, tersa ne’e.

STAE garante eleisaun lejislativa ho kualidade no susesu tanba STAE iha ona referénsia atu implementa template ba buletin votu no modelu buletin úniku, no STAE sei tau template no leitór sira bele haree no hili ba kandidatura ne’ebé tuir nia konxiénsia rasik. Maibé tenke prevee iha alterasaun, nune’e iha baze legál mak STAE hanesan tékniku implementa,” Acilino Manuel Branco hateten.

Tanba ne’e, nia dehan, iha alterasaun lei ne’e presiza no nesesáriu hodi prevee atu iha baze legál hodi garante nia ezekusaun tuir lei haruka.

Asesór Prinsipál Asuntu Inklzuaun Sosiál Prezidénsia Repúblika, Gaspar Afonso, hateten sei servisu hamutuk ho Ezekutivu no Sekretariadu Tékniku Administrasaun Eleitorál (STAE) atu fahe informasaun kona-ba letra braille iha sistema ne’e.

“Ema na’in-200 mak lahatene braille ka sistema tátika hakerek no lee ne’ebé uza hosi ema-ne’ebé defisiénsia matan sira ka iha vizaun ne’ebé ladún. Maske nune’e, to’o agora laiha ema ida-ne’ebé halo votasaun iha buletin votu ne’ebé disponível iha votasaun ne’e,” nia dehan.

Gaspar Afonso agradese ba Parlamentu Nasionál no Governu tanba aprova proposta ne’e no agradese no kongratula Prezidente Komisaun A no nia ekipa ba aprovasaun proposta ne’ebé ema ho defisiénsia sira halo.

Notísia Relevante: PN aprova alterasaun lei Eleitorál ba PN iha jeneralidade

Jornalista : Osoria Marques

Editór       : Cancio Ximenes

Publisidade

Leave a Reply

Latest Post

error: Content is protected !!