COVALIMA, 20 fevereiru 2023 (TATOLI)–Administrasaun Munisípiu Covalima (AMC) liuhosi Dirasaun Ajénsia Fiskalizasaun iha Covalima, identifika eskola sira iha Covalima implementa programa merenda eskolár fó han etu maran ba estudante sira.
“Bazea ba rezultadu fiskalizasaun hosi Ajénsia Fiskalizasaun iha tinan 2022, identifika eskola sira implementa programa merenda eskolár la tuir menu merenda eskolá , tanba eskola balun fó de’it paun no balun fó han etu maran ba estudante sira tanba haree ba kondisaun eskola. Erru sira-ne’e akontese iha eskola ne’ebé ha’u labele temi eskola nia naran,” Diretór Ajénsia Fiskalizasaun Munisípiu Covalima, Francisco Mendonça “Tatamero”, hateten ba Agência Tatoli, iha resintu AMC, Sukaer Laran, segunda ne’e.
Bazea ba menu merenda eskolár tenke fo aihan ne’ebe nutritivu maibé iha eskola sira barak la halo tuir menu ka aihan ne’ebe define ona iha matadan hodi fó han paun no etu maran ba estudante sira, no profesór sira labele han iha eskola realidade profesor sira mós han ne’ebé matadalan bandu.
Bazea ba rezultadu fiskalizasaun Ajénsia fiskalizasaun identifika eskola implementa merenda eskolár la tuir menu hanesan eskola balun fó paun no fó han etu maran ba estudante sira no profesór sira mós han iha eskola ne’ebé matadalan bandu.
Aleinde identifika eskola implementa programa merenda eskolár la tuir menu, ne’ebé sira mós identifika katak eskola implementa programa merenda eskolár iha Covalima ne’ebé tuir menu, hanesan Eskola Bázika Central Ogues.
Ho nune’e, nia husu ba eskola sira implementa programa merenda eskolár tenke halo tuir matadan ne’ebé mak define ona hahan nutritivu ba estudante sira.
Dadus hosi Servisu Edukasaun Covalima iha tinan 2022 hatudu, programa merenda eskolár implementa iha eskola 37 hosi Ensinu Báziku Central (EBC) no pre-eskolár (EPE) privadu no ho totál alunu EBC ho nia filiál iha Covalima na’in-14283 ho totál orsamentu hamutuk $178.537,50.
Jornalista : Celestina Teles
Editór : Cancio Ximenes
