DILI

Salaun CCLN tau naran “Três de Março Maubai”

Salaun CCLN tau naran “Três de Março Maubai”

Prezidente Konsellu Kombatente Libertasaun Nasionál (CCLN, sigla portugés), Vidal de Jesus "Riak Leman". Imajen Tatoli.António Daciparu.

DILI, 02 marsu 2023 (TATOLI)—Prezidente Konsellu Kombatente Libertasaun Nasionál (CCLN, sigla portugés), Vidal de Jesus, “Riak Leman”, hateten durante ne’e CCLN kontrata Kompañia nasionál hodi reabilita salaun CCLN nune’e kinta (02 marsu) ohin, inaugura ho naran “Três de Março Maubai”.

“Salaun ida-ne’e uza naran Tréz de Março Maubai tanba loron ida ne’ebé Maun Boot Xanana Gusmão reorganiza funu, nune’e loron nasionál veteranu sira-nian sei uza no inaugura,” Riak Leman hateten ba Agência Tatoli liuhosi programa ‘Entrevista Eskluziva’ iha studio Faról, tersa (28 veferereiru 2023).

Prezidente CCLN ne’e hateten, edifísiu ne’e presiza reabilita nune’e CCLN bele halo servisu no ida-ne’e sai hanesan dezafiu ida inklui menus transporte atu aopiu CCLN nia servisu.

Prezidente Konsellu Kombatente Libertasaun Nasionál (CCLN, sigla portugés), Vidal de Jesus, “Riak Leman”. Imajen Tatoli/António Daciparu.

“Dezafiu mak ami-nia membru balun seidauk iha karreta no balun uza de’it sira-nia karreta. Dezafiu seluk mak kompañia rua ida ministériu mak responsabiliza no seluk fali CCLN mak responsabiliza no daudaun ne’e hadi’a no finaliza ona,” nia hateten.

Edifísiu ne’e sei garante ba Konsellu Veteranu foun ne’ebé mai sei uza ho di’akliu tanba seguru, nune’e funsionáriu sira bele halo atividade CCLN nian ho di’ak.

Razaun tau alau CCLN nia naran sai “Três de Marsu Maubai” ne’e, tanba bazea konstituisaun RDTL rtigu Artigu 11 (Fó valór ba Rezisténsia) ne’e Governu estebelse Dekretu-Lei Nú. 3/2016, ne’ebé  Estadu Timor-Leste konsagra loron 3 marsu nu’udar loron nasionál ba veteranu sira.
Estadu deside loron 3 marsu ne’e sai Loron Nasionál Veteranu tanba iha loron 3 Marsu 1981, Timor-Leste [ho Xanana Gusmão nia lideransa lidera funu] hahú reorganiza funu ba libertasaun nasional, hafoin baze-de-apoiu rahun.

Data istórika ne’e liga ba Konferénsia Nasionál FRETILIN iha Maubai (Viqueque) no iha loron 3 Marsu ho orientasaun hosi membru Comite Central FRETILIN (CCF) sobrevivente na’in rua, Xanana Gusmão no Ma’Huno, no konferensista sira hili membru CCF na’in-sia (9) foun tan no foti desizaun importante lubuk ida, hodi reorganiza luta libertasaun nasionál iha territóriu tomak.

Hosi konferénsia ida-ne’e mak rezisténsia armada moris fila-fali iha ai-laran no povu hetan fali nia esperansa no halo mundu hakfodak.

Selebrasaun dahuluk ba Loron Nasionál Veteranu ne’e, akontese iha tinan 2017. Veteranu no Kombatente Libertasaun Nasionál sira mak kompostu husi frente armada, frente klandestina no frente esterna ka diplomátika.

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!