iklan

NASIONÁL, EKONOMIA, HEADLINE

KOICA kontribui millaun $6 ba Projetu Fortalesimentu no Resposta ba Moras Infesioza

KOICA kontribui millaun $6 ba Projetu Fortalesimentu no Resposta ba Moras Infesioza

DILI, 14 marsu 2023 (TATOLI) – Ministru Finansa, Rui Agusto Gomes, no Diretora Ajénsia Kooperasaun Internasionál Koreia Súl (KOICA), Eunju Cha, sei asina akordu subvensaun públika (Grant) ho montante millaun $6. Kontribuisaun finanseira husi KOICA ne’e sei uza hodi finansia Projetu Fortalesimentu Preparasaun no Resposta ba Moras Infesioza sira iha Timor-Leste.

Seremónia asinatura ne’e sei realiza iha, kinta (16/03), iha Auditoriu Ministériu Finansa, Aitarak-Laran.

“Osan ne’e sei uza atu fortalese preparasaun no resposta ba moras infesioza ka moras ne’ebé hada’et lalais sira iha Timor-Leste, liuhusi reforsa kapasidade atu deteta, notifika no respode iha kualker nivel tuir tempu ne’ebé loloos ba surtu moras infesioza prioritária sira, inklui mós preparasaun espesialista nasionál sira ba área ne’e”, Ministru Finansa, hatete iha nota ne’ebé Agência Tatoli asesu, tersa ne’e.

Husi novembru 2020 to’o fevereiru 2023, Governu Daualuk mobiliza ona subvensaun públika ho totál millaun $623,8. Husi montante ne’e, KOICA kontribui ona millaun $25 ne’ebé millaun $5 ba Projetu Dijitalizasaun Chega, millaun $7,8 ba Projetu ‘Say No To 5S’, millaun $6,2 ba Projetu ‘YEES’ no adisionál millaun $6 ba projetu fortalesimentu preparasaun no resposta ba moras infesioza sira iha Timor-Leste.

Kontribuisaun finanseira adisionál millaun $6 ne’e nu’udar prova konfiansa husi Parseiru Dezenvolvimentu hanesan KOICA mai Governu.

Orsamentu ho totál millaun $623,8 inklui ona millaun $420 husi MCC, Governu uza hodi finansia investimentu estratéjiku hanesan konektividade transporte hanesan estrada, ponte no aeroportu, investe iha kapitál umanu hodi mellora produtividade laborál hanesan saúde, edukasaun, protesaun sosiál, bee-moos no saneamentu, abilidade empregu no empreendedorizmu ba foin-sa’e sira, inklui enerjia elétrika. 

Notísia relevante: Timor-Leste sei simu kontribuisaun finanseira millaun $6 hosi KOICA

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!