iklan

NASIONÁL, POLÍTIKA

STAE husu partidu polítikus submete atributu prodús buletin votu

STAE husu partidu polítikus submete atributu prodús buletin votu

partidu politiku sira ne’ebé konkore iha eleisaun Parlamentár 2023

DILI, 29 marsu 2023 (TATOLI)—Diretór Sektretariadu Tékniku Administrasaun Eleitorál (STAE), Acilino Manuel Branco, husu partidu polítiku sira atu kompleta no submete atributu partidu nian hanesan emblema, bandeira nune’e bele prodús buletin votu.

Notísia Relevante: INTL mak iha posibilidade sei imprime bulletin votu

“Ita sei komunika reprezentante partidu polítika atu subemte sira-nia sigla, naran no bandeira nune’e ita prodús ba buletin votu. Hanesan ohin Prezidente Tribunál Rekursu husu ba partidu polítika sira atu subemte sira-nia sigla, bandeira, naran ho loos atu haruka ba Komisaun Nasionál Eleisaun no STAE,” Diretór Jerál STAE ne’e hateten ba Agência Tatoli, iha Tribunál Rekursu, kuarta ne’e.

Nia hatutan, partidu polítiku atu submete sira-nia emblem, bandeira no naran sira-ne’e ho durasaun tempu kleúr ka tarde liu ne’e to’o semana oin de’it.

“Tanba tuir planu no tarde liu semana oin ba CNE ho STAE nune’e lori halo apresiasaun hamutuk ho partidu polítika sira, nune’e avansa ba produsaun nian. Tanba, ohin, Konsellu Ministru mós halo ona aprovasaun ba empreza Institutu Nasionál Timor-Leste mak hetan fiar hodi halo produsaun buletin votu ba eleisaun parlamentar 2023,” nia hateten.

Partidu admitidu sira mak tuir mai ne’e:

  1. Partidu esenvolvimentu Nacionál (PDN)
  2. Partiduo Liberta Povu Aileba (PLPA)
  3. Partidu Libertasaun Populár (PLP)
  4. Partidu Democrátiku (PD)
  5. Kmanek Haburas Unidade Nacional Timor Oan (KHUNTO)
  6. Partidu os Verdes de Timor (PVT)
  7. Uniaun Demokrátiku Timorense (UDT)
  8. Partidu Unidade Dezenvolvimentu Demokrátiku (PUDD)
  9. Partidu Republikanu (PR)
  10. Unidade Nacional Democrática Resistência Timorense (UNDERTIM)
  11. Frente Revolucionária de Timor-Leste Independente (FRETILIN)
  12. Congresso Nacionál Rekonstrução Timo-Leste (CNRT)
  13. Centro Ação Social Democrata Timorense (CASDT)
  14. Movimentu Libertasaun Povu Maubere (MLPM)
  15. Partidu socialista Timorense (PST)
  16. Partidu Democrata Cristão (PDC)
  17. Associação Populár Monarquia Timorense (PMT).

Parrtidu polítiku hamutuk 17 ne’e maks ei konkorre iha eleisaun parlamentár 2023 ne’ebé tuir kalendáriu sei trealiza eleisaun iha 21 maiu 2023.

Notísia Relevante: Ezekutivu aprova rezolusaun Governu ba akizisaun boletin votu ba ElPar

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!