DILI, 03 abríl 2023 (TATOLI)—Prezidente Pelican Paradise Group, Datuk Edward Org, segunda ne’e, hala’o enkontru ho Prezidente Repúblika (PR), José Ramos Horta, hodi relata progresu serbisu.
Notísia Relevante: PR no PM halo lansamentu fatuk dahuluk konstrusaun otél fitun-lima Pelican Paradise
“Fó update ba Prezidente Repúblika kona-ba ami-nia progresu serbisu, ami halo lansamentu iha loron 25 novembru 2022 to’o agora,” Prezidente Pelican Paradise Group ne’e informa ba jornalista sira hafoin ramata enkontru ho Xefe Estadu iha Palásiu Prezidensiál Nicolau Lobato, Bairru Pite.
Progresu serbisu depois lansamentu neé empreza halo serbisu barak, hanesan konkluzaun ba prosesu konkursu hotu ona iha fulan fevereiru, antesipa iha terrenu no fulan ne’e nia laran bele komesa serbisu.
“Bainhira lansamentu iha fulan-novembru 2022, ami hanesan palan ba seguransa no mós ami hamoos tasi ibun, agora ami kontrola atu ema la tau fo’er arbiru. La’ós bandu ema halo movimentu iha ne’eba,” nia dehan.
Projetu ne’e bainhira ramata benefísiu mak sei sai sidade no sanitária di’ak, la hamosu inundasaun.
Nia informa, orsamentu ne’ebé antesipa utiliza projeiu ne’e sei boot liu, ezemplu ba faze dahuluk millaun $200 resin maibé agora besik millaun $500.
“Totál projetu parese tuir folin agora, ami-nia kalkulasaun agora liu billaun $1,” nia dehan.
Nia hateten, sira-nia parte nia vizaun hanesan ho Governuatu halo projetu ne’e bele hotu ho lalais no mós hadi’a tan ambientál inklui sei kria empregu ba timoroan sira.
Durante enkontru, Xefe Estadu sente kontente ho progresu projetu refere.
Notísia Relevante: Pelican Paradise sei anunsia empreza manán-na’in iha marsu
Jornalista : Nelson de Sousa
Editór : Cancio Ximenes
