MALIANA, 17 maiu 2023 (TATOLI) – Ministériu Agrikultura no Peska (MAP) liuhosi Diresaun Nasionál Irrigasaun, Planu sei halo reabilitasaun ba portaun ka odomatan irrigasaun Maliana I ne’ebé hetan estragu hosi Mota-Bulobu hafoin akontese udan-boot durante ne’e.
Notísia relevante: MAP ke’e ona kanál irrigasaun tradisionál iha Tapo-Memo
“Mota Bulobu ne’e kada tinan ninia produsaun sedimentasaun ne’e boot tebes, ne’e mak hodi tinan hira liubá ne’e odomatan estragu totál, ne’ebé governu Japaun iha posiblidade ajuda, sira haruka odomatan foun mai hosi Japaun, depois hosi governu tau osan oituan buka kompañia hodi reinstala odamatan ne’e,” Diretór Nasionál Irrigasaun, Martinho Laurentinho, informa ba jornalista sira iha Maliana, kuarta ne’e.
Nia haktuir, iha tinan kotuk ekipa konsultan hosi Japaun mai halo ona halo levantamentu dadus estragu kauza hosi dezastre naturál ne’ebé akontese iha tinan 2021.
Alende ne’e ekipa Diresaun Nasionál mós no konsultan hosi Japaun iha fulan-abríl ne’e vizita irrigasaun Maliana ne’ebé hamutuk ho agrikultór sira konkorda katak projetu reabilitasaun sei hala’o iha fulan-maiu tinan ne’e, tanba hare barak mak sei iha hela natar laran.
Notísia relevante: MAP dezafia Joven Maliana barani halo to’os-natar
Jornalista : Sérgio da Cruz
Editór : Evaristo Soares Martins
