iklan

EKONOMIA, BOBONARO, HEADLINE, MUNISÍPIU

MAP ke’e ona kanál irrigasaun tradisionál iha Tapo-Memo

MAP ke’e ona kanál irrigasaun tradisionál iha Tapo-Memo

Diretór Servisu Agrikultura Munisípiu Bobonaro, Alberto Gomes lopes. Imajen Tatoli/Sérgio da Cruz.

BOBONARO, 31 agostu 2021 (TATOLI)-Ministériu Agrikultura no Peska (MAP) liuhosi diresaun munisipál servisu agrikultura Bobonaro ke’e ona kanál irrigasaun tradisionál  ho distánsia kilómetru 2,43 iha área Fehek, suku Tapo-Memo, postu administrativu, Maliana, munisípiu Bobonaro.

Diretór servisu agrikultura munisípiu Bobonaro, Alberto Gomes Lopes,  hateten intervensaun ne’e nu’udar ezijénsia hosi komunidade sira tanba área sira-ne’e poténsia ba setór agrikultura ne’ebé tinan-tinan koleta hare honrezultadu ne’ebé di’ak.

Maibé dezde ukun-an to’o agora kanu Intek irrigasaun Maliana II la funsiona entaun tahu-taka metin kanál ne’e nune’e durante tinan barak agrikultór sira halai natar époka dahuluk de’it tanba dependénsia liu ba udan-been.

Notísia relevante : MAP husu komunidade Bobonaro kolabora dezenvolve área kultiva

“Ita ke’e iha fulan liubá, ekipamentu sira mai hosi nasionál, ho mia distánsia 2,43 kilómetru, bee ne’e mai hosi irrigasaun Maliana II, depois tún mai no sa’e fali ponte Mabil-Gol foin kanaliza irrigasaun, ne’e mak ba fali natar iha Tapo-Memo,” nia informa ba Jornalista sira,niha salaun administrasaun munisípiu Bobonaro, kuarta ne’e.

Nia akresenta, obra ne’e hahú hosi fulan kotuk no daudaun ne’e finaliza ona, tanba ne’e iha tempu badak sei orienta tékniku sira halo monitorizasaun oinsá udan monu-rai agrikultór sira bele utiliza hodi halai natar.

Alberto subliña, kanál irigasaun ne’e eiresaun agrikultuta halo intervensaun atu fó kondisaun ba Komunidade nia natar hodi responde ba polítika  Governu nia  katak agrikultór sira tinan-tinan tenke badinas serbisu, Jodi hasa’e kuantidade produsaun rai-laran.

“Ha’u hakarak fó mensajen de’it ligadu ho irrigasaun ne’ebé ita ke’e, ha’u husu ba agrikultór sira, depois ita gasta tempus no ekipamentu atu atende ita-boot sira-nia nesesidade, favór ida utiliza didi’ak, ha’u hanoin komesa agora funsiona didi’ak rai ne’ebé ita husik hela, tanba ami prepara ona kondisaun hodi responde ba ita-boot sira-nia prekupasaun,” nia apela.

Kanál irrigasaun tradisionál ne’ebr ekursu bee mai hosi mota Malibaca hodi fornese bee ba natar, pertense suku Tapo-Memu, porvolta  ektare 113.

Notísia relevante: Irrigasaun Maliana II la funsiona, Natar Soso nakonu ho fatuk no rai-henek

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!