iklan

NASIONÁL, POLÍTIKA

Eleisaun komisáriu CAC foun bele kontinua iha lejislatura foun

Eleisaun komisáriu CAC foun bele kontinua iha lejislatura foun

Prezidente Parlamentu Nasional, Aniceto Guterres. Imajen Tatoli/Antonio Goncalves.

DILI, 25 maiu 2023 (TATOLI)—Prezidente Parlamentu Nasionál, Aniceto Longuinhos Guterres Lopes, hateten eleisaun ba komisáriu Komisaun Anti-Korrupsaun (CAC, siglá portugés) foun iha lejislatura dalimak ne’e la konsege realiza no sei bele kontinua iha lejislatura foun mai.

Notísia Relevante: Bankada parlamentár laiha vontade polítika ba eleisaun komisáriu CAC

“Bele, eleisaun ba komisáriu Komisaun Anti-Korrupsaun foun iha lejislatura dalimak ne’e la konsege realiza no sei bele kontinua iha lejislatura foun mai, tanba se korum funsionamentu laiha,” Prezidente Parlamentu Nasionál, Aniceto Longuinhos Guterres Lopes, hateten ba jornalista sira iha PN, kinta ne’e.

Nia dehan, daudaun ne’e meza seidauk bele prosede ajenda diskusaun alterasaun lei CAC iha plenária tanba inisiativa slaiha no seisauk tama.

Entretantu, Komisaun A trata asuntu Justisa no Konstituisional trata hela alterasaun lei CAC liuliu matéria ba prienxe korum funsionamentu maibé inisiativa ne’e meza seidauk simu.

Maske meza PN ajenda ona iha plenária ba eleisaun komisáriu CAC liu dala neen ona, maibé labele realiza tanba presiza korum funsionamentu Deputadu prezente na’in 49, no Deputadu maiória hosi bankada opozisaun liuliu CNRT mak auzente iha plenária.

Antes ne’e mós, bankada CNRT hato’o ona pozisaun katak presiza diskute didi’ak kona-ba kandidatu komisáriu CAC ne’ebé Governu hato’o tanba presiza haree ema ne’ebé independente hodi hala’o serbisu serbi instituisaun importante hanesan CAC, bankada CNRT mós hato’o sira-nia karta justifikasaun ba meza PN kona-ba sira-nia razaun auzente iha plenária.

Notísia Relevante: PPN fó tempu bankada Parlamentár buka konsensu ba eleisaun komisáriu CAC

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!