Distribuisan kadeira: CNRT 31, FRETILIN 19, PD 6, KHUNTO 5, PLP 4
DILI, 27 maiu 2023 (TATOLI)— Komisaun Nasionál Eleisaun (CNE), sábadu ne’e, konklui ona prosesu apuramentu nasionál hodi verifika votu reklamadu 515 hosi sentru votasaun hamutuk 1.472 iha territóriu nasionál no diaspora.
Notísia Relevante: Enseramentu apuramentu nasionál, CNE atribui votu 191 ba CNRT
Hafoin, iha sábadu (27 maiu 2023) ne’e, CNE konklui halo verifikasaun ba votu reklamadu sira-ne’e to’o 100% no ensera apuramentu nasionál ne’e, distribuisaun kadeira ba partidu sira-ne’ebé liu bareira iha eleisaun parlamentár (21 maiu 2023) ne’e laiha mudansa.
Partidu Conselho Nacional Reconstrução Timorense (CNRT) nafatin kadeira 31, Partidu FRETILIN ho kadeira 19, Partidu Demokrátiku ho kadeira neen (6), Partridu KHUNTO ho kadeira lima (5) no Partidu Libertasaun Populár (PLP) ho kadeira haat (4).
Hosi partidu polítika hamutuk 17 ne’ebé konkorre iha eleisaun parlamentár 2023 ne’e, iha partidu lima mak liu bareira ka hetan asentu parlamentár hodi bele hakat ba Uma Fukun Parlamentu Nasionál ho totál votu hosi sentru votasaun ne’ebé konfirmadu.
Notísia Relevante: CNE simu keixa no reklamasaun 11 hosi sentru votasaun 1.472
Partidu CNRT ho númeru sorteiu 12 hetan totál votu hamutuk 288,298 (41,63%), Partidu FRETILIN ho númeru sorteiu 11 ho totál votu 178,338 (25.75%), Partidu Demokrátiku ho númeru sorteiu haat (4) ho totál votu 64,517 (9.32%), Partisu KHUNTO ho númeru sorteiu lima (5) ho totál votu 52,031 (7.51%), Partidu Libertasaun Populár (PLP) ho númeru sorteiu tolu (3) ho totál votu 40,720 (5.88%).
Entretantu, partidu hirak ne’ebé la liu bareira iha eleisaun parlamentár 2023 ne’e mós ida-idak hetan totál votu mak hanesan, Partidu Os Verdes de Timor (PVT) ho númeru sorteiu neen (6) hetan totál votu hamutuk 25,106 (3.63%), PUDD ho númeru sorteiu ualu (8) ho totál votu 21,647 (3.13%), Partisu APMT ho númeru sorteiu 17 ho totál votu 6,678 (0.96%), PLPA ho númeru sorteiu daruak (2) ho totál votu 3,272 (0.47%),
Partidu CASDT ho númeru sorteiu 13 ho totál votu hamutuk 3,270 (0.46%), PST ho númeru sorteiu 13 ho totál votu 2,415 (0.35%), Partidu Repúblikanu (PR) ho númeru sorteiu sia (9) ho totál votu 1,558 (0.22%), PDC ho númeru sorteiu 16 ho totál votu 1,262 (0.18%), Partisu UDT ho númeru sorteiu hitu (7) ho total votu 1,256 (0.18%), Partisu UNDERTIM ho númeru sorteiu 10 ho total votu 1,023 (0.15%), Partidu MLPM ho númeru sorteiu 14 ho total votu 642 (0.09%) no PDN ho númeru sorteiu dahuluk (1) ho total votu 597 (0.09%).
Notísia Relevante: Rezultadu kontajen finál iha STAE, CNRT hetan vitória iha Elpar 2023
Jornalista : Osória Marques
Editór : Cancio Ximenes
