iklan

EKONOMIA, HEADLINE, MUNISÍPIU, OÉ-CUSSE (RAEOA)

RAEOA aloka millaun $1-resin manutensaun estrada no ponte sub-rejiaun tolu

RAEOA aloka millaun $1-resin manutensaun estrada no ponte sub-rejiaun tolu

Diretor Obra Publika, Candido dos Reis Amaral. Imajen Tatoli/Abílio Elo Nini.

OÉ-CUSSE, 31 maiu 2023 (TATOLI) –Autoridade Rejiaun Administrativa Espesiál Oé-Cusse Ambeno (RAEOA), aloka $1,849,905.164 atu halo manutensaun ba estrada rurál sira inklui ponte iha sub-rejiaun Oésilo, Pássabe no Nítibe.

Notísia relavante: Empreza Am-Lhichoe no Lifau Indah sei konstrui ponte Bitopa-Noetoko

Diretór Rejionál Infraestrutura Oé-Cusse, Candido dos Reis Amaral, informa, prosesu konkursu públika daudaun ne’e publika ona, iha kompañia rua, Am-Lhichoe no Lifau Indah mak sei ezekuta.

“Ida-ne’e ba kontinuasaun estrada iha sub-rejiaun Pássabe, hosi suku Abani ba suku Malelat, avizu públika ona iha segunda, 29 maiu 2023 ne’e, iha empreza rua mak sei ezekuta,” Candido Amaral, informa ba jornalista sira iha Oé-Cusse, kuarta ne’e.

Nia informa, serbisu seluk daudaun ne’e la’o hela, prosesu konkursu públiu lubuk aviza balu publika ona, balu iha hela prosesu avaliasaun, hein katak prosesu sira-ne’e la’o ho di’ak, laiha obstakulu ruma, entaun iha tinan 2023 ne’e, ba serbisu infraestrutura nian, konsege ezekuta ona infraestrutura barak liuliu iha área rurál sira.

“Agora Pássabe Oésilo no Nítibe balu de’it, seidauk estrada hosi Oébaha, suku Bobometo liga ba ponte Bitopa, suku Usitasa’e, no hosi ponte Bitopa ba Kuat-Enes, Nítibe nian, iha tempu badak aviza sei sai se mak manán, agora prosesu avaliasaun la’o hela,” nia katak.

Notísia relavante: Empreza Am-Lhichoe finaliza ona projetu reabilitasaun estrada rurál iha Nítibe

Entretantu, kompañia rua ne’ebé manán atu reabilita estrada rurál ponte sira iha sub-rejiaun Oésilo, Pássabe no Nítibe hanesan, kompañia Lifau Indah Unipesoál Lda, sei reabilita hosi suku Usitas’e, sub-rejiaun Oésilo to’o suku Lela-Ufe, sub-rejiaun Nítibe distansia kilómetru 5,5 (STA 0+000-STA 5+500) ho valór kontratu hamutuk $735,776.66.

Kompañia Am-Lhichoe Unipesoál Lda sei reabilita iha sub-rejiaun Pássabe, hahú hosi suku Abani to’o suku Malelat, ho distánsia kilómetru 7,6 (STA 5+200-STA 7+600) ho valór kontratu hamutuk $491,895.57.

Nune’e mós sei kontinua reabilita tán estrada rurál inklui ponte sira iha iha sub-rejiaun Pássabe, hahú hosi suku Abani to’o suku Malelat, kilómetru 5,2 (3+000-STA 5+200) ho valór kontratu hamutuk $622,244.44.

“Kona-bá kontratu determinadu, tanba sei iha selebra asina karta termu aseitasaun ho Autoridade RAEOA, kona-bá preparasaun nian,” nia afirma.

Notísia relavante: RAEOA aloka millaun $4-resin ba projetu manutensaun-reabilitasaun estrada rurál

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!