iklan

HEADLINE, MUNISÍPIU, OÉ-CUSSE (RAEOA), POLÍTIKA

IOM konsulta matadalan protesaun violasaun jéneru no tráfiku umanu iha Oé-Cusse

IOM konsulta matadalan protesaun violasaun jéneru no tráfiku umanu iha Oé-Cusse

IOM konsulta matadalan protesaun violasaun jéneru no tráfiku umanu iha Oé-Cusse. Imajen Tatoli/ Abílio Elo Nini.

OÉ-CUSSE, 22 juñu 2022 (TATOLI) – Organizasaun Internasionál ba Migrasaun (IOM, sigla inglés), kinta ne’e konsulta ho Autoridade Rejiaun Administrativa Espesiál Oé-cusse Ambeno (RAEOA) kona-bá matadalan protesaun ba violasaun bazea jéneru no tráfiku umanu. 

“Planu ba futuru sei halo iha RAEOA, espesiál bamunisipíu sira-ne’ebé iha área fronteira hanesan Covalima, Bobonaro no Oé-Cusse no Lautem, no atividade ne’ebé  sei halo fokuliu ba dezenvolve matadalan liuliu ba kontestu emerjénsia nian, ho objetivu atu fó protesaun ba violasaun bazea jéneru no tráfiku umanu, tanba iha área fronteira ne’e sempre akontese kazu sira hanesan ne’e,” Asisténsia Programa Redusaun Risku Dezastre IOM, Alvero da Cruz ko’alia iha Oé-Cusse.

Notísia relevante: IOM apoia pesoál APC hala’o estudu komparativu iha Filipina

Tuir nia, violasaun bazea jéneru, liuliu iha situasaun emerjénsia, entaun presiza hamutuk ho komisaun dezastre naturál, atu diskute kona-bá kontribuisaun saida maka bele kontribui, nune’e bele dezenvolve matadalan ne’e ba iha jestaun dezastre nian.

Nia hatutan, parte IOM daudaun ne’e identifika ona suku rua, Bene-Ufe ho suku Nípani, maka sai suku pilotu iha atividade protesaun ba violasaun bazea jéneru no tráfiku umanu iha Oé-Cusse.

“Entaun atividade ne’ebé ita sei halo ba iha nível komunidade, maka sei fó formasaun ba ita-nia autoridade lokál sira ho estrutura suku tomak inklui ekipa jestaun dezastre iha nível suku, atu haforsa-tán sira liuhosi formasaun báziku kona-bá jestaun dezastre atu asegura katak, família sira tenke hetan protesaun iha situasaun emerjénsia,” nia katak.

Partisipa iha atividade ne’e mai hosi ekipa jestaun dezastre naturál sira hanesan, Autoridade Protesaun Sivíl (APC, sigla portugés), Bombeiro, Cruz Vermella Timor-Leste (CVTL) filiál Oé-Cusse, Sekretaria Rejionál ba Asuntu Edukasaun no solidariedade sosiál no inkluzaun inklui parte saúde.

Nune’e mós partisipa hosi uma mahon PRADET Oé-Cusse, no ONG lokál sira hanesan Binibu Faef Nome (BIFANO), Centru Educação Sívica Enklave Oé-cusse (CECEO) no Asosiasaun Haburas Kapasidade  Agrikultura no Ekonómia (AHCAE).

Notísia relevante: IOM no UNICEF kolabora hodi hatan ba Risku Protesaun durante Emerjénsia

Jornalista   : Abílio Elo Nini

Editór          : Evaristo Soares Martins

iklan
iklan

Leave a Reply

iklan
error: Content is protected !!