Mira Mar kontinua ateru rai ba futuru jardín eroi Bobonaro
MALIANA, 30 juñu 2023 (TATOLI)-Empreza MiraMar Unipesoál Limitada, kontinua ateru no dudu rai hodi prepara ba konstrusaun futuru jardín eroi munisípiu Bobonaro. Projetu ne’e lokaliza iha aldeia Manu-Katete, suku Manapa, postu administrativu Cailaco.
Enjeñeiru hosi kompañia Mira-Mar, Faviano Goncalves Moniz, konfirma, bazea ba kontratu projetu refere tuir loloos finaliza ona iha fulan-maiu, maibé tanba kestaun klima akontese uda-boot iha fulan hirak liubá difikulta ekipa sira aselera serbisu.
Tuir nia, bazea ba kontratu item serbisu ba empreza sò responsabiliza de’it ba ateru rai ho medida 200 X 160 kuaze ektare 80 hodi prepara ba prosesu harii jardín eeroi ne’e.
Notísia relevante: Veteranu Bobonaro deside harii jardín eroi iha Manapa
“Ami simu kontratu ne’e fulan 6, maibé tanba kondisaun udan labele serbisu, kontratu ne’e loloos termina iha fulan liubá, maibé tanba udan estende tan hodi kontinua serbisu,” nia informa ba jornalista sira iha Maliana, sesta ne’e.
Maske nune’e, tékniku refere kontinua garante obra refere sei termina tuir kontratu ne’ebé hetan estensaun tanba ekipamentu pezadu komposta hosi eskavatór unidade ida no bulduzer unidade rua mak kontinua halo serbisu ateru rai.
“Ami agora ateru ona ektare tolu ho balu iha fulan ida tan mai bele termina ona,” Flaviano akresenta.
Enkuantu projetu ne’e hahú implementa iha loron 01 fulan-dezembru tinan 2022 ho valór orsamentu rihun $261-resin.
Notísia relevante: Veteranu Bobonaro husu Governu harii edifísiu própriu
Jornalista: Sérgio da Cruz
Editór: Evaristo Soares Martins
