iklan

NASIONÁL

MAE kontribui reseita $926.134.63 ba kofre Estadu

MAE kontribui reseita $926.134.63 ba kofre Estadu

Osan Dollar Amerikanu. Imajen/Espesiál

DILI, 17 jullu 2023 (TATOLI)—Xefe Departamentu Asisténsia Tékniku Urbana iha Ministériu Administrasaun Estatál (MAE-ATU), Abel Bere, hateten iha jeneiru to’o juñu neé MAE kontribui reseita $30.606.09 no hahú hosi 2017 to’o 2023 ne’e MAE kontribui reseita $926.134.63 ba kofre Estadu ne’ebé rekolla hosi fonte publisidade.

“Fulan-janeiru to’o junu 2023 ne’e, MAE liuhosi organizasaun urbana hatama reseita $30.606.09. Maibé hosi ezisténsia publisidade iha tinan 2017-2023 hamutuk $926.134.63,” Abel Bere hateten ba Agência Tatoli, iha nia kna’ar fatin, Colmera, segunda ne’e.

Hosi reseita $926.134.63 ne’e kompostu hosi tinan 2017 osan hamutuk $24.919,01, tinan 2018 iha $213.724.07, tinan 2019 iha $149.857.87, tinan 2020 iha $212.150.55, tinan 2021 iha $132, 545,55, tinan 2022 iha $162.412.06 no tinan 2023 hamutuk $30.606.09.

Iha taxa atividade publisidade ne’e, Servisu Lisensiamentu Publisidade Munisípiu Dili rekolla taxa iha área Avenida Nicolau Lobato no Liberdade Imprensa iha kapitál Dili

“Iha Dili publisidade hosi kompañia internasionál Instant Shop inklui banner Timor Telekom, Telekomsel maibé ba munisípiu sira maiória Telekomsel ho Timor Telekom,” nia hateten.

Tuir nia, osan kontribuisaun reseita ba kofre Estadu ne’e bazea ba dekretu-lei númeru 51/2016 ne’ebé mak ko’alia kona-ba lisensiamentu publisidade, maibé dekretu-lei ne’e mós halo ona alterasaun ba dekretu-lei númeru 31/2017.

“Dekretu-lei ida-ne’e ami halo ona sensibilizasaun ba iha teritórriu nasionál tomak no mós mensajen publisidade ne’e eziste ona durante tinan 2017 to’o agora,” nia dehan.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!