PR Horta-Ministru Estranjeiru Singapura diskute TL adere ba ASEAN
DILI, 24 jullu 2023 (TATOLI)—Prezidente Repúblika (PR), José Ramos Horta, segunda ne’e, simu audénsia ho Ministru Negósiu Estranjeiru no Kooperasaun (MNEK) Singapura, Vivian Balakrihnan, hodi ko’alia kona-ba adezaun Timor-Leste (TL) ba ASEAN.
Notísia Relevante: PR rekomenda IX Governu fó prioridade TL adere ba ASEAN
“Priviléjiu tebes enkontru ho Prezidente Repúblika, José Ramos Horta. Nia hanesan amigu di’ak ho Singapura no suporta Singapura, asuntu importante ne’ebé ami ko’alia kona-ba hanesan saúde ba labarik, oportunidade serbisu no Timor-Leste adere ba ASEAN,” Ministru Negósiu Estranjeiru Singapura, Vivian Balakrihnan, hateten ba jornalista sira hafoin ramata enkontru ho Preziente Repúblika iha Palásiu Prezidensiál Nicolau Lobato, Bairru Pite.
Iha oportunidade ne’e, ko’alia mós kona-ba dezenvolvimentu Timor-Leste nian nu’udar nasaun foin restaura nia indepénsia ne’ebé halo tinan 21 ona.
“So privileiju ida mai ha’u iha ne’e, ha’u hanoin oportunidade di’ak ba povu Timor-Leste,” nia hateten.
Mezmu nune’e, Ministru Negósiu Estranjeiru Singapura ne’e la esplika detallu kona-ba importante sira-ne’ebé diskute durante enkontru ho Xefe Estadu, José Ramos Horta.
Hafoin ramata enkontru, Ministru Negósiu Estranjeiru Singapura, Vivian Balakrihnan, sei hasoru malu mós ho Primeiru-Ministru (PM), Kay Rala Xanana Gusmão.
Notísia Relevante: Singapura sei ajuda TL atu hetan esperiénsia hodi adere permantente ba ASEAN
Jornalista : Nelson de Sousa
Editór : Cancio Ximenes
