Autoridade Covalima rejista xefe família 730 sai vítima ba dezastre naturál

COVALIMA, 28 jullu 2023 (TATOLI)–Relasioná udan ne’ebé akontese iha loron 3-4 fulan-jullu 2023, ho nune’e Autoridade Covalima liuhusi Diresaun Protesaun Sivil Jestasaun Risku Dezastre Naturál Munisípiu Covalima rejista xefe família 730 sai vítima dezastre natural iha Covalima.

Notísia Relevante: Autoridade Covalima sei halo levantamentu dadus ba vítima dezastre naturál

“Ita halo ona levanamentu dadus kuaze iha postu administrativu hitu (7) ne’ebé ita rejista xefe família 730 sai vítima ba dezastre natural,” Diretór Protesaun Sivil Jestasaun Risku Dezastre Naturál Covalima, Quintino da Costa, hateten ba Agência tatoli, iha resintu AMC, Sukaer Laran, sesta ne’e.

Bazeia ba rezultadu levantamentu dadus dezastre naturál, iha postu administrativu hitu (7) hamutuk Xefe família 730 ne’ebé sai vítima ba rai halai totál xefe família 194, vítima ba inundasaun 535 no inséndiu ne’e rejista família ida (1) ne’ebe balun hetan ona apoiu emerjénsia no materiál rekuperasaun, balun seidauk hetan.

Tuir planu, Dirasaun Protesaun Sivil Jestasaun Risku Dezastre Naturál Covalima sei kontinua hala’o distribuisaun apoiu emerjénsia ba vítima dezastre naturál sira.

Jornalista : Celestina Teles

Editór       : Cancio Ximenes