DILI, 08 agostu 2023 (TATOLI)—Sekretáriu Estadu Asuntu Toponímia Organizasaun Urbana, Germano Santa Brites, akompañadu hosi Administradór munisípiu Aileu, Abel da Conceição, no Komandante Polísia Nasionál Timor-Leste (PNTL) Munisípiu Aileu, halo observasaun ba obra konstrusaun tolu iha Aileu Villa, munisípiu Aileu.
“Obra konstrusaun tolu hanesan Jardin Aileu Villa, konstrusaun rezidénsia tuan administradór munisípiu Aileu no konstrusaun sentru lixu iha Mantane leten,” Germano Santa Brites hateten liuhosi nota ne’ebé Agência Tatoli asesu, tersa ne’e.
Vizita ba konstrusaun hirak-ne’e, hanesan parte ida hosi Sekretária Estadu Asuntu Toponímia Organizasaun Urbana nia servisu liuliu iha parte planeamentu urbana nian hanesan mandatu ida ne’ebé tenke hala’o.
Aleinde ne’e, nia halo vizita mós ba merkadu munisípiu Aileu hodi haree kondisaun merkadu no iha biban ne’e mos fó mensajen ba vendedór siraatu kumpre regra sira-ne’ebé mak servisu jestaun merkadu munisípiu Aileu aplika iha munisípiu ne’e.
Jornalista : Osória Marques
Editór : Cancio Ximenes
