DILI, 15 agostu 2023 (TATOLI)—Sekretáriu Administradór Munisípiu Manatuto, Eduardo Guterres, hateten iha proposta Orsamentu Retifikativu 2023 ne’e munisípiu Manatuto propoin $5.000 hodi hadi’a infraestrutura ne’ebé aat kauza hosi dezastre naturál ne’ebé akontese iha 04 abríl 2021.
Notísia Relevante: Governu aprova proposta Orsamentu Retifikativu 2023 biliaun $1,7
“Ba Orsamentu Retifikativu, ami Manatuto nian ne’e, husu $5.000 de’it. Dehan ami-nia mak kiik liuhosi munisípiu sira seluk. No, hosi osan ne’e ami atu hatán ba dezastre naturál iha 04 abríl 2021 nian, liuliu ba infraestrutura nian,” nia dehan ba Agência Tatoli, iha edifísiu Ministériu Administrasaun Estatál (MAE), Colmera, segunda ne’e.
Nia dehan, impaktu hosi dezastre naturál ne’e, komunidade barak mak uma estraga, ponte iha postu sira-ne’ebé liga hosi postu ida ba postu seluk inklui estrada sira iha Manatuto, inklui edifísiu sira Estadu nian ne’ebé estraga no hein hela resposta hosi nasionál.
“Bainhira proposta ne’e ona mak kada munisípiu hahú hadi’a infraestrutura ne’ebé hetan estragu hosi dezastre naturáll,” nia dehan.
Notísia Relevante: PN-Governu ohin hahú halo audiénsia públika ba proposta OR 2023
Jornalista : Osória Marques
Editór : Cancio Ximenes
