Jerasaun foun presiza disiplina no banati tuir eroi sira-nia sakrifísiu
OÉ-CUSSE, 20 agostu 2023 (TATOLI – Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, hamutuk ho Konsellu Veteranu no FALINTIL-Forsa Defeza Timor-Leste no entidade hotu, domingu ne’e kememora loron FALINTIL bad ala-48 iha Sikone, suku Lalisuk, sub-rejian Pante Makasar.
Notísia relevante: Falur husu membru F-FDTL nafatin sai liman kroat povu Timor-Leste
Prezidente Autoridade RAEOA, Arsénio Paixão Bano, apela ba jerasaun kontinuadór presiza banati-tuir eroi sira-nia sakrifísiu hodi liberta rai ne’e hosi kolonializasaun sira, to’o ukun rasik-aan.
“Oé-Cusse iha konfiansa katak, ita bele hamrik nafatin hanesan rai soberanu tanba ita-nia forsa mós iha, F-FDTL ita-nia lutu iha fuan, iha rai ne’e iha, tán ne’e mak ita konfiansa nafatin, tanba ne’e, ohin orgullu boot ba ita Oé-Cusse ba Timor-Leste, tanba to’o ohin ita sei hamriik selebra nafatin loron FALINTIL ba dala-48, nune’e ha’u atu husu de’it ba ita hotu banati-tuir nafatin espíritu saida maka FALINTIL, sira uluk liuliu ba sira-ne’ebé maka mate ba rai ida-ne’e, ba sira-nia sakrifísiu, ba sira-nia disiplina hodi ita-nia rai-ne’e bele ukun rasik-aan” Arsénio Bano ko’alia iha diskursu loron FALINTIL.
“Ita hotu iha rai-ne’e, ita tenke hatene, Nicolau Lobatu, David Alex ‘Daitula’, Nino Koni Santana sira mate, labele mate saugate de’it, ho komandante sira-seluk inklui feto sira Maria Tapo, Maria Gorreti ho sira seluk ne’ebé maka mate ba rai ne’e ba ukun rasik-aan,” nia afirma.
Arsénio Paixão Bano, orgullu no saude prezensa seguransa F-FDTL iha Oé-Cusse, no husu atu kontinua hatudu disiplina iha no banati tuir eroi funu na’in-sira nia mehi atu sail utu ba nasaun.
“Ho ida-ne’e, ha’u hanesan, Prezidente Autoridade RAEOA, hakarak sauda komandante ho elementu sira iha RAEOA, komponente infantria nian, marítima, ne’ebé destaka iha Oé-Cusse, dook hosi família inan-aman, dook hosi feen no oan, ha’u sauda imi tanba imi mai Oé-Cusse ba Timor-Leste tomak,” nia enkoraja.
Notísia relevante: Fernanda Lay feto dahuluk pasa revista parada militár iha loron FALINTIL
Jornalista : Abílio Elo Nini
Editór : Evaristo Soares Martins
