iklan

BOBONARO, HEADLINE, MUNISÍPIU, POLÍTIKA

PAM Bobonaro husu joven sira solidú goza ukun-aan

PAM Bobonaro husu joven sira solidú goza ukun-aan

Prezidente Autoridade Munisípiu Bobonaro, Ernesto de Oliveira Barreto. Imajen espesiál.

MALIANA, 29 agostu 2023 (TATOLI)-Atu komemora loron Konsulta Populár 30 agustu 1999 ba dala-24, Prezidente Autoridade Munisípiu Bobonaro, Ernesto de Oliveira Barreto, husu joven sira-ne’ebé envolve iha Grupu Arte Marsiál atu hadomi malu kria nafatin amizade ne’ebé sólidu atubele goza iha períodu ukun raskin-aan.

Tuir nia, tinan hirak ba kotuk, joven sira hosi grupu no organizasaun oinoin, maski hetan terror, intimidasaun no torturasaun hosi tropa Indonézia no milísia sira, maibé nafatin sólidu hodi luta ba auto determinasaun to’o hetan independénsia totál.

“Uluk ami halo ne’e laiha Kemak, Bunak no laiha Lorosa’e no Loromonu, ami hotu-hotu sólidu to’o ohin loron ita bele hetan independénsia, ne’ebé husu ba joven sira, liuliu joven arte marsiáis ne’e atu banati tuir saida mak ami halo ne’e,” nia fó hanoin.

Lidera masimu iha munisípiu Bobonaro, apela ne’e tanba iku-ikus ne’e joven sir-ne’ebé envolve iha arte-marsiál baku malu, tuda-malu, hana-malu, oho malu iha fatin-fatin.

“Se ita hanesan ne’e beibeik investidór internasionál sira labele mai, ema atu lori osan barak mai loke kampu  traballu, maibé tanba ho hahalok ida hanesan ne’e, ema labele mai,” nia katak.

Enkuantu komemorasaun  loron istóriku refere iha tinan ne’e,  Autoridade Munisípiu Bobonaro husu misa agradesimentu ne’ebé sei realiza iha igreja Parokia Santa Cruz, Maliana.

Notísia relevante: Konsulta Populár: Timoroan hamutuk prega metin “Ukun Rasik-Aan” ho “Pregu”

Nornalista: Sergio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!