iklan

COVALIMA, HEADLINE, POLÍTIKA

EDTL seidauk normaliza forñesimentu eletrisidade iha suku Zulo Zumalai

EDTL seidauk normaliza forñesimentu eletrisidade iha suku Zulo Zumalai

Komunidade aldeia Natardik, suku Dato Tolu, postu administrativu Fohorem, munisípiu Covalima, seidauk asesu eletrisidade no moris iha nakukun laran hodi sunu de’it lampu tradisionál. Imajen/Espesiál.

COVALIMA, 07 setembru 2023 (TATOLI)-Xefe Suku Zulo, postu administrativu Zumalai, munisípiu Covalima, João Lopes Carvalho, hateten EDTL seidauk normaliza fila-fali forñesimentu eletrisidade ba komunidade sira iha suku ne,e hafoin akontese dezastre naturál iha fulan hirak kotuk.

“Vítima dezastre naturál ho tipu rai halai iha suku Zulo ne’ebé hela ona iha bairru foun ho naran Ula, postu Zumalai seidauk asesu eletrisidade nune’e provizóriu balun sei uza lampu tradisionál no balun sosa rasik solár panél hodi uza,”nia relata problema ne’e ba Agência Tatoli, iha Covalima, foinlalais ne’e.

Notísia Relevante :Aldeia Tudulpo Covalima la asesu estrada no eletrisidade

Nia dehan antes ne’e, komunidade sira iha fatin ne’ebá asesu ona forñesimentu eletrisidade husi Eletrisidade de Timor-Leste (EDTL, sigla portugués), maibe  hafoin akontese dezastra naturál rai halai fo impaktu ba besi riin forñesimentu nian monu.

Tanba ne’e, husu ba EDTL munisípiu Covalima atu rezolve situasaun ne’e,  nune’e komunidade iha suku Zulo bele asesu fila-fali eletrisidade.

Nia reforsa aleinde la asesu eletrisidade, komunidade ho totál família 61 husi aldeia Lale no Obuk Mil ne’ebé oras ne’e hela iha bairo foun Ula mós enfrenta problema falta bee moos, no atu asesu bee moos tenki la’o-ain ho distánsia killo-metru ida-resin.

Atu rezolve situasaun ne’e, lideransa komunitária ne’e, hateten oras ne’e asesu ona bee moos ne’ebé maka Servisu Agua no Saniamentu  munisipál Covalima, ense provizóriu ba tangke bee moos ne’ebé antes ne’e prepara husi CVTL no World Vision Timor-Leste.

No daudaun ne’e Diresaun Servisu Agua no Saniamentu  munisipál Covalima responde ona preokupasaun ne’e hodi distribui ona materiál konstrusaun be’e moos ba komunidade suku Zulo, maibé provizóriu sei rai iha postu administrivu Zumalai, nune’e tempu badak sei lori bá suku Zulo.

“Ohin ha’u husu kontribuisaun husi komunidade hodi selu karreta atu lalin materiál hodi rai iha suku Zulo, Postu Zumalai, Munisípiu Covalima,” nia hateten.

Notísia Relevante :Komunidade Tobur seidauk asesu eletrisidade

Jornalista: Celestina Teles

Editór: Agapito dos Santos  

iklan
iklan

Leave a Reply

iklan
error: Content is protected !!