SEFOPE publika lista traballadór rihun 41 iha outubru
MALIANA, 07 setembru 2023 (TATOLI) – Sekretaria Estadu Formasaun Profisionál no Empregu (SEFOPE) sei publika lista kandidatu traballadór ba Austrália rihun 41 iha fulan-outubru tinan 2023 tanba aplika dezde tinan 2022.
Notísia relevante: SEFOPE sei loke formasaun dalen tolu iha Bobonaro
“Ita prepara atu publika lista rihun 41 iha fulan-outubru,” Sekretáriu Estadu Formasaun Profesionál no Empregu, Rogério de Araújo Mendonça, informa asuntu ne’e ba jornalista sira, kinta ne’e hafoin halo vizita traballu ba edifísiu SEFOPE munisípiu Bobonaro.
Iha parte seluk, governante ne’e fó-sai katak, vaga online 55,436 ne’ebé SEFOPE halo ona screaning ka ta’es aplikante rihun 14 no hetan ona 2,500 ne’ebé daudaun ne’e tuir hela ezame iha Dili.
Enkuantu rekrutamentu foun ba traballador Austrália ne’e liuhosi prosesu online, ne’ebé hahú iha loron 06 marsu 2023 no ramata iha loron 17 marsu 2023, ho objetivu fó oportunidade ba timoroan hotu bele partisipa hodi bá serbisu iha Austrália.
Nune’e, aplikante ne’ebé liu hamutuk 55.436, komposta hosi mane 34.425 no feto 21.011
Notísia relevante: SEFOPE haruka ona traballadór 1.301 bá Austrália desde janeiru-maiu 2023
Jornalista : Sérgio da Cruz
Editór : Evaristo Soares Martins
