DILI, 12 setembru 2023 (TATOLI)—Prezidente Tribunál Rekursu (TR), Deolindo dos Santos, hateten julgamentu Tribunál Movél sei funsiona hikas iha tempu badak.
Notísia Relevante: Julgamentu Tribunál Movél suspende no sei funsiona iha tinan oin
“Julgamentu tribunál movél ne’ebé ita la’o tempu barak nia laran. Ami suspende hela no sei funsiona hikas iha tempu badak nia laran,” Prezidente Tribunál rekursu ne’e hateten ba jornalista sira iha uma fukun Parlamentu Nasionál, tersa ne’e.
Tanba, nia hateten, daudaun ne’e Tribunál Rekursu (TR) sei halo hela avaliasaun ida ba prosesu julgamentu tribunál movél ne’ebé hala’o uluk tiha ona ne’e, mosu fallansu kiik-oan sira-ne’ebé Evita atu nune’e labele akontese tan.
Ho nune’e, Konsellu Superiór Tribunál Rekursu (TR) sei delibera atu funsiona fali julgamentu movél sira-ne’e sei akontese iha tempu badak nia laran, hafoin konsellu halo apresiasaun ba buat sira-ne’ebé antes la’o ona hafoin delibera.
Antes ne’e, tribunál primeira instánsia Dili, Baucau, Covalima, Oé-Cusse (RAEOA) realiza julgamentu tribunál movél ne’ebé kobre mós iha área jurisdisaun ida-idak hodi to’o ba munisípiu sira seluk, inklui suku balun ho objetivu atu lori justisa hakbesik ba povu no oinsá redús liután kazu pendente.
Notísia Relevante: Tribunál Móvel Konsege Redús Prosesu Pendente Barak
Jornalista : Nelson de Sousa
Editór : Cancio Ximenes
