iklan

COVALIMA, POLÍTIKA

EDTL foti ona dadus atu instala eletrisidade ba komunidade suku Zulo Covalima

EDTL foti ona dadus atu instala eletrisidade ba komunidade suku Zulo Covalima

Komunidade aldeia Busadao asesu de’it solar panel tanba seidauuk asesu eletrisidade. Imajen Tatoli/Celestina Teles.

COVALIMA, 13  setembru 2023 (TATOLI)Xefe Unidade Eletrisidade De Timor-Leste (EDTL,sigla portugués) munisípiu Covalima, Alexandre Seran, relata ekipa tékniku halo ona levantamentu dadus atu instala liña eletrisidade ba komunidade sira ne’ebé daudaun ne’e hela iha suku Zulo, postu Zumalai munisípiu Covalima.

“Iha loron 12 fulan-setembru tinan 2023 ne’e, ami halo ona lavantamentu dadus ba komunidade ne’ebé vítima ba dezastre naturál iha suku Zulo postu administrativu Zumalai ne’ebé hela ona iha bairru foun ho naran ula,” Nia hateten ba jornalista-sira iha resintu AMC Sukaer-laran, kuarta ne’e.

Notísia Relevante :Komunidade suku Zulo Covalima la’o kilómetru ida hodi kuru bee-moos

Tuir rezultadu peskiza katak atu instala liña eletrisidade ba komunidade sira ne’ebé afetadu hosi dezastre naturál iha bairu foun Ula suku Zulo nian ne’e persiza riin eletrisidade hamutuk 30 no mós ekipamentu seluk ne’ebé maka persiza tan.

“Ami foti ona dadus  no ami haree ona presija  ai-riin eletrisidade  30 ho fiu sasan baisada ami atu liga ba sira-nia hela fatin ami sei hato’o  pedidu atu lori materiál mai nune’e ami bele lori ba iha suku Zulo hodi bele dada eletrisidade ba komunidade sira,” nia hateten.

Antes ne’e,  Xefi Suku Zulo, João Lopes Carvalho hateten vítima dezastre naturál iha  Suku Zulo, postu administrativu Zumalai, munisípiu Covalima seidauk asesu eletrisidade,  nune’e oras ne’e provizóriumente sira sei uza lampu tradisionál no balun uza sosa rasik solár panél.

Vítima dezastre naturál iha suku Zulo husi aldeia Lale no Obuk-mil ne’ebé hela iha bairru foun ho naran Ula  ho totál xefe família 61.

Notísia Relevante :EDTL seidauk normaliza forñesimentu eletrisidade iha suku Zulo Zumalai

Jornalista: Celestina Teles

Editór     : Agapito dos Santos

iklan
iklan

Leave a Reply

iklan
error: Content is protected !!