iklan

EKONOMIA, HEADLINE, MUNISÍPIU, OÉ-CUSSE (RAEOA), POLÍTIKA

Brigada na’in-rua hosi Suni-Ufe RAEOA seidauk simu osan hafoin eleisaun parlamentár

Brigada na’in-rua hosi Suni-Ufe RAEOA seidauk simu osan hafoin eleisaun parlamentár

Xefe suku Suni-Ufe, Crisanto Tamele. Imajen Tatoli/Abílio Elo Nini.

OÉ-CUSSE, 15 setembru 2023 (TATOLI – Brigada na’in-rua iha suku Suni-Ufe, sub-rejiaun Nítibe, Rejiaun Administrativa Espesiál Oé-Cusse Ambeno (RAEOA), ne’ebé hala’o servisu iha eleisaun parlamentár, 21 maiu 2023, to’o agora seidauk simu sira-nia insentivu hosi Sekretariadu Tékniku Administrasaun Eleitorál (STAE).

Asuntu ne’e relata hosi xefe suku Suni-Ufe, Crisanto Tamele, bainhira hala’o enkontru ho membru Parlamentu Nasionál komisaun C, trata asuntu kona-bá Finansa Públika, iha salaun adaministrasaun Oé-Cusse, kinta ne’e.

“Liga eleisaun parlamentár, atu forma Govenu da-sia nian, maibé to’o ohin loron ha’u-nia suku iha sentru votasaun tolu, to’o agora sentru votasaun rua nia brigada na’in-rua seidauk simu direitu, sira-nia osan insentivu,” Xefe suku Suni-Ufe, Crisanto Tamele informa.

Notísia relavante: PN preokupa ezekusaun OJE 2023 iha Oé-Cusse foin atinje 43%

Autoridade komunitária nee, informa, preokupasaun ne’e brigada sira, hato’o beibeik iha autoridade suku, no kestaun ne’e mós hato’o tiha ona iha Provedoria Direitu Umanu Justisa (PDHJ) atu halo aprosimasaun, maibé nafatin seidauk iha resposta pozitivu.

Hatán ba preokupasaun ne’e, Vise-Prezidente PN Komisaun C, Aliança da Conceição Araújo, konsidera preokupasaun ne’e pertinente, presiza relata ba ministériu relevante hodi toma konsiderasaun.

“Ita-boot nia suku iha sentru votasaun tolu, to’o agora brigadista na’in-rua seidauk simu direitu, entaun iha dadus ruma, ami sei enkamiña ba STAE no Ministériu Administrasaun Estatál, tanba sei to’o ohin tama ona ba nonu Governu mak seidauk selu, ne’e karik buat ruma laloos,” nia katak.

Nunee’e mós jornalista Agência Tatoli, tenta halo konfirmasaun ho Diretora STAE Oé-Cusse, Luiza da Costa, maibé okupadu tanba daudaun ne’e moras hela.

Notísia relavante: Hahú hosi 2015-2023, RAEOA rekolla reseita millaun $46-resin

Jornalista   : Abílio Elo Nini

Editór          : Evaristo Soares Martins

iklan
iklan

Leave a Reply

iklan
error: Content is protected !!