INTERNASIONÁL, DILI, HEADLINE

AVI sei halo servisu voluntáriu iha aréa saúde no formasaun empregu

AVI sei halo servisu voluntáriu iha aréa saúde no formasaun empregu

Primeiru-Ministru, Kay Rala Xanana Gusmão, hala'o enkontru ho Australia Volunteers International (AVI), Jonathan Hunter, ho nia ekipa, iha Palásiu Governu Dili, segunda (18/09). Imajen Tatoli/Francisco Sony

DILI, 18 setembru 2023 (TATOLI)-Reprezentante Australian Volunteers Internasional (AVI) Jonathan Hunter, segunda ne’e, hasoru malu ho Primeiru-Ministru, Kay Rala Xanana Gusmão, hodi relata kona-ba servisu voluntária sira ne’ebé sei hala’o iha Timor-Leste liuliu iha aréa saúde no formasaun empregu.

“Ha’u mai hasoru Xanana hodi ko’alia kona-ba programa voluntáriu Austrália nian, ida ne’e hanesan inisiativa hosi Governu Austrália. Ami koa’lia ona oinsá programa ida ne’e bele apoiu Governu Timor-Leste hodi hari’i nasaun, iha buat rua importante mak ko’alia hanesan nesesidade ba saúde nian liu husi servisu hamutuk ho Ministériu Saúde inklui servisu ho SEFOPE atu bele hasa’e kapasidade ema Timor-Leste molok ba servisu iha rai-liúr,” dehan Jonathan Hunter ba jornalista-sira iha Palásiu Governu.

Notísia Relevante :Servisu Voluntáriu Kontribui Inkluzivu iha Sosiedade

Australian Volunteers Internasional (AVI), komesa tinan 2006 liubá halo ona servisu voluntariu iha Timor-Leste tanba hamutuk ona ho ministériu oioin no organizasaun sosiedade sivíl sira hodi partilla esperénsia ba malu liga ho servisu voluntáriu sira  ne’ebe bele fó apoiu ba dezenvolvimentu nasaun nian.

Nia informa iha sorumutu ne’e, Primeiru-Ministru, Xanana Gusmão fó hanoin Australian Volunteers Internasional atu bele servisu hamutuk no garante katak bele fahe esperénsia no koñesimentu ne’ebé di’ak entre nasaun rua ne’ebé foku prinsipál maka iha aréa edukasuan no saúde.

“Hosi ínisiu kedas voluntáriu atus ba atus mak mai ona Timor no dadauk ne’e iha ema nain-30 mak ativu hela servisu voluntáriu no ita sei planu hela ba tinan hirak tuir tan mai nian,” nia hateten.

Notísia Relevante :PR Horta ho Korpu ba Pás fó pose ba voluntáriu EUA na’in-17

Jornalista: Hortencio Sanchez

Editór         : Agapito dos Santos

iklan
iklan

Leave a Reply

iklan
error: Content is protected !!