iklan

EKONOMIA, HEADLINE, MUNISÍPIU, OÉ-CUSSE (RAEOA), POLÍTIKA

Autoridade RAEOA la konsege ezekuta projetu lima

Autoridade RAEOA la konsege ezekuta projetu lima

Prezidente Autoridade RAEOA, Arsénio Paixão Bano.Imajen Tatoli/Egas Cristóvão

OÉ-CUSSE, 21 setembru 2023 (TATOLI) – Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, informa, projetu lima prevee iha Planu Asaun Anuál 2023 la konsege ezekuta hotu ho razaun tempu la to’o, nune’e Autoridade adia ba 2024.

Notísia relevante: Konstrusaun edifísiu administrasaun RAEOA iha faze komunikasaun ho Tribunál

Projetu lima ne’e, hanesan futuru edifísiu administrasaun RAEOA, otél Oé-Upun, jardín Lifau, Eskola Sekundáriu Jerál Noapai no edifísiu biblioteka Oé-Cusse.

 “Edifísiu administrasaun, Otél Oé-Upu, projetu Lifau no projetu balu ita adia ba tinan oin, tanba tempu lato’o ona, besik fulan-haat ita tama dezembru, tinan fiskál entaun projetu barak ita adia ba tinan oin,” Arsénio Bano ba jornalista sira iha Oé-Cusse, kuarta ne’e.

Nia hatutan, la’os ne’e de’it maibé inklui eskola importante sira balu, hanesan Eskola Sekundáriu Jerál Noapai, suku Cunha no biblioteka rejionál,

“Ne’ebé ha’u hein katak, ita tinan oin ita bele kontinua servisu sira-ne’ebé ita planu ona maibé la konsege ezekuta iha 2023 ne’e,” nia afirma.

Nia informa, kuandu Autoridade ba halo retifikatidu Parlamentu sira husu, no Primeiru Ministru husu, hosi millaun $120, RAEOA aseita no propoin atu koa millaun $36 hosi OJE RAEOA nian.

Notísia relevante: Tribunál Oé-Cusse fó paresér ba SAMHEE halo manutensaun ekipamentu pezadu

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!