iklan

COVALIMA, ELEISAUN

STAE Covalima fó ona edukasaun sivíka ba votante iha Fohorem

STAE Covalima fó ona edukasaun sivíka ba votante iha Fohorem

Diretór STAE Munisípiu Covalima, Francisco Gusmão. Imajen Tatoli/Celestina Teles.

COVALIMA, 18  Outubru 2023 (TATOLI)-Diretór Servisu Tékniku Administrasaun Eleitorál (STAE), munisípiu Covalima, Francisco Gusmão, hateten nia parte fó ona edukasaun sivíka ba eleitór sira iha postu administrativu Fohorem, munisípiu Dili.

“Ita-nia kalendáriu ba edukasaun votante  hahú iha loron 09 to’o 10 fulan-outubru tanba preokupa ho atividade sira seluk foin finaliza, nune’e ita hahú uluk edukasaun votante iha loron 17/10, iha postu administrativu Fohorem,” Diretór STAE, Francisco Gusmão, hateten ba TATOLI, iha Kampung-Baru Covalima, kuarta ne’e.

Notísia Relevante :STAE Covalima hahú halo resensiamentu eleitorál ba eleisaun suku

Tuir nia edukasaun sivíka ba vontante sira ne’e maka atu kapasita no hasa’e koiñesimentu eleitór sira liuliu eleitór foun ne’ebé idade foin atinje 17, atu oinsá maka bele ezersa sira-nia diretu iha eleisaun xefe suku iha loron 28 fulan-outubru 2023.

NIa dehan,  edukasaun sivíka ba vontante sira foin realiza iha loron 17 fulan-outubru 2023 no sei ramata iha loron 23 fulan-outubru 2023.

Kona-ba orsamentu, Governu sentrál aloka ona orsamentu jerál Estadu (OJE) 2023 ba munisípiu Covalima hodi realiza eleisaun suku ho montante hamutuk $ 160.192,50 fahe ba rúblika sira hanesan iha aréa formasaun profesionál $ 7.940, 00, instalasaun $ 5.340,00, arendamentu propriedade $ 2.500,00,  aluga kareta $10.800,00, despeza operasionál $ 36, 222,50, servisu profesionál $ 87.600.00 no servisu seluk tan $ 9.790,00.

Totál eleitór iha munisípiu Covalima ne’ebé kobre hosi postu administrativu Fatululik, Fatumea, Fohorem, Fatumea, Tilomar ,Maucatar Zumalai no Suai hamutuk 49.469 kompostu husi mane hamutuk 2.5220 feto hamutuk 2.4216.

Hosi total eleitor ne’e, STAE rejista  ona eleitór  ne’ebé maka mate ona  iha munisípiu Covalima hamutuk nain-353 kompostu husi mane na’in-186  no feto 167.

Entertantu, bazeia ba dadus tinan 2022 STAE covalima  rejista eleitór elijível hamutuk-48.830 kompostu husi mane 24.950 no feto 23.880.

Notísia Relevante :STAE Covalima halo rekrutamentu ba PSAS-PSAA finaliza ona

Jornalista: Celestina Teles

 Editór:Agapito dos Santos

iklan
iklan

Leave a Reply

iklan
error: Content is protected !!