iklan

OÉ-CUSSE (RAEOA)

MJ hato’o pedidu ba Autoridade nomeia Rui Pereira lidera Notariádu Oé-Cusse

MJ hato’o pedidu ba Autoridade nomeia Rui Pereira lidera Notariádu Oé-Cusse

Ministériu Justisa  (MJ) liuhosi Diresaun Jerál Servisu Rejistu Notariádu Nasionál, hato’o pedidu ofisiál ida ba Autoridade RAEOA liuhosi Sekretáriu Rejionál ba Asuntu Terra Propriedade hodi nomeia Rui Pereira Monis Sequeira, atu lidera diresaun Rejionál Servisu Rejistu Notariádu Oé-Cusse. Imajen Tatoli/Abilio Elo Nini

OÉ-CUSSE,  20 outubru 2023 (TATOLI – Ministériu Justisa (MJ) liuhosi Diresaun Jerál Servisu Rejistu Notariádu Nasionál, hato’o pedidu ofisiál ida ba Autoridade RAEOA liuhosi Sekretáriu Rejionál ba Asuntu Terra Propriedade hodi nomeia Rui Pereira Monis Sequeira, atu lidera diresaun Rejionál Servisu Rejistu Notariádu Oé-Cusse.

Notísia relevante: Iha 2022, Rejistu Sivíl Notariadu RAEOA rekolla reseita rihun $54-resin

Agência Tatoli asesu karta ofisiál ne’e iha iha Gabinete Autoridade RAEOA, katak pedidu ne’e ho númeru referénsia 668/DGRSRN/X/2023, iha loron 10 outubru 2023, asuntu pedidu nomeiasaun foun iha Diresaun Munisipál Konservatóriu Notariadu Oé-Cusse.

 Iha karta ofisiál ne’e, sita katak, atu asegura polítika IX Governu nian, liuhosi ofisiu ne’e hato’o ba Sekretáriu Rejionál ba Asuntu Terra Propriedade, atu halo nomeisaun ba kargu diretór iha Diresaun munisipál Konservatóriu Servisu Rejistu Notariádu Oé-Cusse. Konforme ba organizasaun Diresaun Jerál Servisu Rejistu Notariádu nian, ne’ebé sita iha Diploma Ministériál númeru 38/DM-MJ/08/2019, loron 11 fulan setembru 2023.

Asuntu administrasaun finansa no relatóriu ezekusaun atividade sira kabe ba kompeténsia Diresaun Rejionál tuir rejimentu RAEOA nian hodi garante atendimentu públiku ne’ebé efisién no efikás, enkuantu Diretór sesante, José Ase Neno Colo, hare ba aktu rejistu notariadu nian.

Nune’e Sekretáriu Rejionál ba Asuntu Terra Propriedade, Antóniu Hermengildo da Costa, rekoñese, simu ona karta ne’e hosi Ministériu Justisa, no daudaun ne’e submete ona iha iha Prezidente Autoridade RAEOA.

 “Sim, ita simu ona karta ne’e hosi nasionál, agora ha’u hato’o ona iha Prezidente Autoridade RAEOA hodi deside, karta ne’e dirije mai ita, maibé kompeténsia tomak iha Prezidente Autoridade,” nia informa.

 Hatan ba pedidu nomeisaun foun ne’e, Prezidente Autoridade RAEOA, Arsénio Paixão Bano, daudaun ne’e simu ona, no parte legál sira hodi prepara nomeisaun.

“Agora ita prepara hela karta nomeisaun, tanba rekomendasaun ne’e mai direita hosi Governu Sentrál liuhosi Ministériu Justisa, agora iha hela ekipa legál sira atu asuntu ida-ne’e, maibé prosesu ne’e bele lais liu iha semana oin ita bele nomeia, tanba rekomenda ne’e mai Autoridade, entaun ita maka sei fó pose,” Arsénio Bano hateten.

Notísia relevante: Fasilidade atendimentu iha Rejistu Sívil Notariadu RAEOA presiza manutensaun

Entretantu, José Ase Neno Colo, asumi kna’ar nu’udar Diretór Servisu Rejistu Sivíl Notariádu iha RAEOA kuaze tinan ualu ona, hahú hosi 2016 to’o 2023 ne’e.

 Jornalista: Abílio Elo Nini

Editor: Rafael Ximenes de A. Belo

iklan
iklan

Leave a Reply

iklan
error: Content is protected !!