PNTL Covalima prepara prosesu sidadaun na’in-4 envolve kazu omisídiu

COVALIMA, 08 novembru 2023 (TATOLI)–Polísia Nasionál Timor-Leste (PNTL) Covalima prepara hela prosesu ba sidadaun na’in-haat ne’ebé envolve iha kazu omisídiu hodi hakotu Rui Amarál Lopes nia vida iha aldeia Sadahur, suku Maudemo, postu administrativu Tilomar, munisípiu Covalima.
Notísia Relevante: APC kumpre prizaun preventiva ba kazu omisídiu iha Tilomar
“Iha ema na’in-haat (4) prosesu ita prepara hela liuhosi Ministériu Públiku (MP) atu lori ba Tribunál Distritál Suai (TDS). Ema hirak ne’e lori vítima sai hosi uma, ita prepara hela auto nótisia atu MP haree no aprezenta lai hodi haree nia prova sira,” Komandante PNTL Covalima, Superintendente Polísia Calisto Gonzaga, hateten ba Agência Tatoli, iha nia kna’ar fatin, Santa Rosa, kuarta-ne’e.
Sidadaun na’in-haat (4) ne’ebé PNTL prepara prosesu, nune’e liuhusi Ministériu públiku atu aprezenta ba Tribunál Distritál Suai (TDS), ne’ebé tula matebian Rui Amarál lopes iha nia uma.
Kazu omisídiu ne’ebé akontese iha postu Tilomar, aleinde autór ne’ebé hakotu matebian Rui Amarál Lopes nia vida ne’e, kumpre ona prizaun preventiva maibé sidadaun na’in-haat mós justifikadu ne’ebé ho naran inisiál OC, DC, ST no PC, tanba finaliza ona halo prosesu investigasaun.
“Tuir loloos aprezenta ona tanba foin lalais ita selebra loron boot finadu, ita-nia autoridade judisiáriu mós feriadu, nune’e ita hein bele aprezenta,” nia dehan.
Kazu omsídiu iha aldeia Sadahur ema-ne’ebé ho nia liman rasik hodi hakotu matebian nia vida ne’e, dadus naton ona no Tribunál Distritál Suai (TDS) liuhosi julgamentu primeiru interrogatóriu aplika ona medida koasaun aplika prizaun preventiva ba suspeitu ho naran inisiál APC.
Ho nune’e, tuir delijénsia despaixu mai fasil bele komunika nia no halo prevensaun, nune’e labele hamosu fali krime sira seluk bainhira nia iha li’ur evidénsia balun labele lakon.
“Ita sei hein delijénsia mai lai, ida-ne’e mak envolve iha prosesu fragante delitu nia kumpre ona prizaun preventive. Maibé bele mós loke ita sei hein desipaixu mai fali, ita bele haree kazu omisídiu envolve ema na’in-ida de’it ka iha mos ema seluk,” nia hateten.
Kazu Omesídiu akontese hodi hakotu matebian nu’udar estudante finalista iha Eskola Sekundáriu Jerál Públiku iha loron 21 outubru no família matebian haloot mate-isin tuir kultura postu administrativu Tilomar iha loron 24 outubru 2023.
Notísia Relevante: PNTL detein suspeitu na’in-rua ba kazu omisídiu iha Tilomar
Jornalista : Celestina Teles
Editór : Cancio Ximenes

