EKONOMIA, HEADLINE, MUNISÍPIU, OÉ-CUSSE (RAEOA), POLÍTIKA

Kompañia Asistono ho CP kontinua reabilita estrada rurál iha Pássabe

Kompañia Asistono ho CP kontinua reabilita estrada rurál iha Pássabe

Diretor Obra Publika, Candido dos Reis Amaral. Imajen Tatoli/Abílio Elo Nini.

OÉ-CUSSE, 21 novembru 2023 (TATOLI) – Diretór Rejionál Infraestrutura, Candido dos Reis Amaral, hateten, iha agostu 2023, Prezidente Autoridade RAEOA, fo xamada atensaun ba kompañia CP Unipesoál Lda ho kompania Asistono Unipesoál Lda, ba fulan rua ka loron 60 tenke konklui projetu reabilitasaun estrada rurál iha sub-rejiaun Pássabe, tanba kuaze tinan rua ona hahú hosi 2021 tinan ne’e progresu foin atinje de’it 18%.

“Maibé agora Asistono sira-nia progresu servisu agora to’o ona 70%,  maibé ita husu nafatin atu hatudu progresu bebeik atu finaliza obra ne’e, sira-ne’e avalia iha konkursu públiku maka liu, ne’ebé tenki iha responsabilidade atu finaliza obra sira-ne’e,” Candido dos Reis Amaral, ko’alia iha Oé-Cusse, tersa ne’e.

Notísia relevante: PA RAEOA xamada kompañia rua loron 60 tenke finaliza estrada rurál Pássabe

Kona-bá kompañia  CP Unipesoál Lda, iha semana kotuk mai halo aprezentasaun ona iha ne’e, katak sira,  sei mobiliza fila-fali materiál ekipamentu sira bá, kontinua.

“Iha enkontru ne’e ha’u hateten ba sira, ita-boot sira-nia responsabilidade tenke kumpri, labele abandona servisu tanba Estadu investe ida-ne’e ba interse komún la’ós ba ema ida nian, tanba agora atu tama udan ona,” nia informa.

Entretantu, Kompañia CP Unipesoál Lda reabilita estrada rurál hahú hosi bairru Kusi aldeia Hau-Tefo, suku Ban-Afi sub-rejiaun Nítibe liga ba suku Malelat, sub-rejiaun Pássabe ho valór kontratu hamutuk $784,814.50.

Nune’e mós kompañia Asistono Unipesoál Lda, reabilita estrada rurál iha suku Abani, sub-rejiaun Pássabe hahú hosi Pássabe vila to’o aldeia Haemnanu kilómetru tolu (3) ho valór kontratu $296,252.36.

Kompañia rua ne’e ezekuta obra sira mak hanesan, reabilita estrada, drainajén, bee-dalan, ateru, no plant-konkrit ne’ebé ezekuta projetu sira-ne’e desde 2021 to’o agora.

Notísia relevante:Autoridade RAEOA prioriza infraestrtura bázika ba sub-rejiaun Pássabe

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!