iklan

NASIONÁL, HEADLINE

PM Xanana kongratula PR Guiné-Bissau ne’ebé simu kondekorasaun

PM Xanana kongratula PR Guiné-Bissau ne’ebé simu kondekorasaun

Prezidente Repúblika, José Ramos Horta, kondekora Prezidente Repúblika Guiné-Bissau, Umaro Sissoco Embaló, iha amámbitu Komemorasaun Loron Proklamasaun Independénsia RDTL ba dala-48, iha Resintu Palásiu Prezidesiál, Bairru-Pité, tersa (28/11/2023). Imajen Tatoli/Francisco Sony

DILI, 28 novembru 2023 (TATOLI)Primeiru-Ministru (PM), Kay Ralala Xanana Gusmão, kongratula Prezidente Repúblika (PR) Guiné-Bissau, Umaro Sissoco Embaló, ne’ebé simu kondekorasaun hosi Prezidente Repúblika, José Ramos Horta ho grau Kolár Orden de Timor-Leste.

Kondekorasaun ne’e Estadu Timor-Leste atribui, iha ámbitu serimónia aniversáriu Proklamasaun Independénsia Timor-Leste ba dala-48, ne’ebé hala’o iha Palásiu Prezidensiál Bairru-Pité, tersa ne’e.

“Parabéns Prezidente Repúblika Umaro Sissoco Embaló, ami agradese ita-nia domin mai selebra ho ami loron Proklamasaun Independénsia Timor-Leste ho povu tomak,” Xanana hateten.

Notísia relevante : Profesór 86 ne’ebé dedika aan iha era tolu hetan ona kondekorasaun husi Estadu


Iha fatin hanesan, Prezidente Repúblika Guiné-Bissau, Umaro Sissoco Embaló konsidera kondekorasaun ne’e hanesan onra boot, ne’ebé Reprezenta Estadu Guiné-Bissau hodi hametin kooperasaun ho Timor-Leste.

Xefe Estadu Guiné-Bissau, Umaro Sissoco Embaló nu’udar polítiku veteranu rezisténsia ida ne’ebé ativu iha militár, iha esperiénsia barak no hetan fiar hosi povu hodi eleitu ba Prezidente Repúblika iha tinan 2020.

Iha tinan 2016 to’o 2018, Umaro Sissoco asume kargu nu’udar Primeiru-Ministru ne’ebé kria kooperasaun ho entidade hotu-hotu hodi lori Guiné-Bissau sai hosi krize polítika no militár hodi hametin estabilidade no kontribui ba dezenvolvimentu.

Atribuisaun medalla Grande Kolár reprezenta rekoñesimentu ba dedikasaun Prezidente Embaló nian hodi hametin Guine-Bissau liuhosi diplomasia no kooperasaun internasionál. Ida-ne’e hanesan onra ida ba Timor-Leste no Guine-Bissau.


Iha oportunidade ne’e, Xefe Governu kontratula mós entidade timor-oan sira hotu hanesan profesór/a sira hotu inklui Antigu Prezidente Parlamentu Nasionál, Arão Noe, Deputadu Bankada FRETILIN, David Dias Ximenes, Vise Primeiru-Ministru no Ministru Koordenadór Asuntu Sosiál no Ministru Dezenvolvimentu Rurál no Abitasaun Komunitária, Mariano Assanami Sabino no Ministru Prezidénsia Konsellu Ministru, Agio Pereira, ne’ebé simu mós rekoñesimentu hosi Estadu Timor-Leste ho  Medalla Orden Timor-Leste Grau Kolár.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!