iklan

HEADLINE, MUNISÍPIU, OÉ-CUSSE (RAEOA), SAÚDE

Kazu infetadu HIV-SIDA iha Oé-Cusse sa’e ba 60

Kazu infetadu HIV-SIDA iha Oé-Cusse sa’e ba 60

Diretora Servisu Saude Oe-Cusse, Lolita dos Santos. Imajen Tatoli/Abílio Elo Nini.

OÉ-CUSSE, 11 dezembru 2023 (TATOLI – Diretora Servisu Saúde Rejiaun Administrativa Espesiál Oé-Cusse Ambeno (RAEOA), Lolita dos Santos, informa, hahú hosi fulan-janeiru to’o dezembru 2023 ne’e, kazu infetadu ba moras HIV-SIDA iha Oé-Cusse sa’e ba 60.

“HIV-SIDA iha Oé-Cusse aumenta beibeik, foin daudaun trimestre daruak 54, tanba antes ne’e ita iha de’it 30, maibé agora sa’e ba 60. Ne’e signifika iha tinan 2023 ne’e aumenta 30,” Lolita dos Santos, ko’alia iha Oé-Cusse.

Notísia relevante:Atensaun, kazu infetadu HIV-SIDA iha Oé-Cusse sa’e ba 54

Nia esplika, pasiente hirak-ne’e detetadu liuhosi ezaminasaun halo screening masal no bainhira hala’o tratamentu iha fasilidade saúde sira, deteta mós liuhosi teste raan.

“Ne’e akontese tanba kauza hosi seksuál livre, atu prevene moras HIV-AIDS ne’e maka tenke uza kondom,  no HIV-SIDA ne’e ita hatene katak, sensitivu liu, ita hatene nia númeru, naran maibé ema ne’e ita la hetene, tanba ne’e segredu, entaun tratamentu ne’e bainbain sira konselór mak komunika direita ho sira, atu atende ba sira-nia moras ne’e,” nia katak.

Entaun parte saúde rejionál nian, la nonok de’it, maibé nafatin iha esforsa atu hala’o atividade liuliu ba sensibilizasaun, advokasia promosaun saúde, advokasia ba komunidade sira, no estudante sira, atu-nune’e ita-bele redús moras HIV-SIDA ne’e.

Entretantu, tuir dadus ne’ebé rejista iha servisu saúde Oé-Cusse, dezde 2013 to’o dezembru 2022 rejista ema-ne’ebé moras infatadu HIV-AIDS hamutuk 33, no dadús mate hamutuk na’in-10, no kontinua moris iha na’in-23.

Notísia relevante: INCSIDA rejista kazu HIV-SIDA 1.704, Oé-Cusse okupa fatin dahaat

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!