iklan

HEADLINE, MUNISÍPIU, OEKUSI, POLÍTIKA

CNE avalia progresu servisu no dezafiu iha Oé-Cusse

CNE avalia progresu servisu no dezafiu iha Oé-Cusse

Dirijente CNE mai hosi munisípiu 13 inklui RAEOA hala’o retiru avaliasaun iha otel Ambeno. Imajen Tatoli/Abílio Elo Nini.

OÉ-CUSSE, 14 dezembru 2023 (TATOLI – Komisaun Nasionál Eleisaun (CNE, sigla portugés), hala’o avaliasaun durante loron tolu hodi avalia progresu servisu no dezafiu períodu 2023 iha iha Rejiaun Administrativa Espesiál Oé-Cusse Ambeno (RAEOA).

Prezidente CNE, José Belo, hateten, retiru ne’e hodi halo avaliasaun ne’e  atu identifika progresu dezafiu no solusaun ba servisu CNE nian durante tinan 2023, nune’e bele mellora di’ak liután iha futuru.

“Retiru avaliasaun ne’e ami hala’o kada tinan depois fim do ano, ami haree atividade sira-ne’ebé la’o, tán ne’e maka CNE mai hosi munisipíu hotu inklui RAEOA ita halo avaliasaun kona-bá eleisaun sira la’o liu ona nível eleitorál nian, no mós administrasaun atu hadi’a prestasaun futuru mai,” Prezidente CNE, José Belo, ba Agência Tatoli iha Otél Ambeno Oé-Cusse, kinta ne’e.

Notísia relevante:Molok altera Lei Suku, CNE sei husu Governu rona opiniaun hosi baze

Nia dehan, liuhosi retiru avaliasaun ne’e, bele hatene saida maka atinje ona no saida mak seidauk bele atinje, durante ne’e 2023, nune’e kria polítika liuhosi formasaun no kapasitasaun rekursu um abele hadi’ak liután krítika sira-ne’ebé durante ne’e akontese.

“Evaluasaun ne’e totál, tán ne’e maka ami konsentra iha-ne’e, depois loron tolu ita haree took oinsá atu asegura servisu ho di’ak, entre diresaun sira ligasaun ho preparasaun ba eleisaun sira-ne’ebé Estadu depozita konfiansa ba orgaun eleitorál sira,” nia akresenta.

José Belo, hateten, problema barak mak CNE enfrenta iha ámbitu eleisaun sira-ne’ebé akontese dezde 2022 to’o 2023, hahú hosi eleisaun prezidensiál, eleisaun parlamentár no eleisaun órgaun suku.

“Primeiru kona-bá lejizlasaun, tanba ita haree liuliu ba eleisaun suku foin lalais, krítika barak, iha buat balu presiza adapta, tán ne’e maka fó esperiénsia ida-ne’e, nota buat balu identifika didi’ak atu iha posibilidade kuandu reuniaun ho Parlamentu Nasionál komisaun A, oinsá bele aborda asuntu sira-ne’e, ita bele modifika iha alterasaun ba lei órgaun duku ba konsellu suku sira,” nia katak.

Alende ne’e hanesan mós elesiaun munisipál ninian, karik lei iha ona, nia preparasaun oinsá, bainhira mak atu hala’o, nune’e mós kona-ba eleitór sira kona-bá kualidade eleisaun sira.

“Hanesan CNE ita presiza preparadu tanba mundu agora muda ona ba teknolojia, demokrasia rai-ida-ne’ebé demokrátiku tebes, agora mós sai problema, entaun ita prepara-aan fó resposta ne’ebé di’ak,” nia argumenta.

Notísia relevante:KRO aprova orsamentu CNE millaun $8.8

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!