Top

Aplikante “Bolsa da Mãe Jerasaun Foun” 10.293 sei la hetan subsídiu

Diretór Jerál Ministériu Solidariedade Sosiál no Inkluzaun (MSSI), Florencio Pina Dias Gonzaga. Imajen TATOLI/Egas Cristovão

DILI, 15 dezembru 2023 (TATOLI)—Diretór Jerál Ministériu Soliriedade Sosiál no Inkluzaun (MSSI), Floréncio Pina Dias Gonjaga, hateten aplikante ba programa Bolsa da Mãe Jerasaun Foun (BdMJF) hamutuk 10.293 ne’ebé la tama sistema ne’e sei la hetan subsídiu iha dezembru nia rohan.

Notísia Relevante: Governu sei selu benefisiáriu Bolsa da Mãe Jerasaun Foun 61.293

“Prosesu iha sistema informasaun hosi Dirasaun Nasionál Asisténsia Tékniku iha 12 dezembru 2023 ne’e iha benefisiáriu hamutuk 61,293. Benefisiáriu sira-ne’e tama ona iha sistema maibé sistema akapta de’it aplikante na’in 50.663. Entaun, sira-ne’e mak elizivél ona atu simu subsídiu ne’e, maibé hirak ne’ebé la tama sistema ne’e sei la simu subsídiu,” Diretór Jerál MSSI ne’e hateten ba Agência Tatoli iha nia kna’ar fatin Caicoli, sesta ne’e.

Nia esplika, pedidu finál ne’e iha loron 12 dezembru maibé liu ida-ne’e mak foin sira hatama pedidu entaun sistema labele akapta tanba data aplikasaun tarde iha sistema nian, nune’e sira laiha ona direitu maibé sira-ne’e elizivél mós.

“Nune’e, osan ba fulan dezembru nian mak osan hamutuk $9.980,170. Pagamentu ne’e hahú ona no sei to’o de’it iha 31 dezembru tinan ne’e no programa mós taka ona. Maibé ita-nia osan ne’ebé selu hosi janeiru to’o mai dezembru 2023 ne’e mak hamutuk $10.321,565,” nia dehan.

Tanba ne’e, tuir nia, ajénsia ne’ebé halo pagamentu ne’e kontinua esforsu hodi finaliza to’o 31 dezembru tinan ne’e.

Notísia Relevante: MSSI: Programa foun sei substitui Bolsa da Mãe Jerasaun Foun

Jornalista  : Osória Marques

Editór         : Cancio Ximenes

Publisidade

Leave a Reply

Latest Post

error: Content is protected !!