DILI, 19 dezembru 2023 (TATOLI) – Parlamentu Nasionál (PN) aprova Orsamentu Jerál Estadu (OJE) ba Fundu Infraestrutura iha faze espesialidade, orsamentu ne’e aprova ho votu afavór 41, kontra zero no abstensaun 24.
“Ho nune’e mak orsamentu ba fundu infraestrutura pasa”, Prezidente Parlamentu Nasionál Maria Fernanda Lay, hateten iha sala plenária, tersa, ohin.
Orsamentu ba Fundu Infraestrutura ba tinan oin hamutuk $301.354.787, fahe ba kategoria saláriu no vensimentu $933.302, bens no servisu $421.485, tranferénsia públika zero, kapitál menór zero no kapital dezenvolvimentu $300.000.000.
Nune’e mós, PN mós aprova iha espesialidade ba orsamentu Fundu Dezenvolvimentu Kapitál Humanu, ho votu afavór 43, kontra zero no abstensaun 22.
Orsamentu ba Fundu Dezenvolvimentu Kapitál Humanu hamutuk $16.400.668, fahe ba kategoria saláriu no vensimentu $2.679.097, bens no servisu $4.226.374, tranferénsia públika $9.377.897, kapitál menór $99.300 no kapital dezenvolvimentu zero.
Jornalista: Natalino Costa
Editór : Zezito Silva
