COVALIMA, 10 janeiru 2023 (TATOLI) – Entre janeiru no dezembru 2023, Floresta Covalima kontribui reseita $17.906 ba kofre Estadu, informa Xefi Departamentu Reprezentasaun Territóriál, Floresta no Planta Industriál Covalima, Domingos Gusmão.
“Fonte reseita mai husi negosiánte sira hasai lisensa halo negósiu hodi ko’a ai ne’ebé kada kúbliku selu $25.00 hodi selu direta iha Banku Nasionál Komérsiu Timor-Leste, ne’ebé maioria ko’a ai-teka ho volume metru kúbliku 7.162”, Domingos Gusmão hatete, ohin.
Kritéria koa ai atu halo negósiu ne’e, sidadaun sira tenke hasai karta lisensa iha Floresta nasionál, husi xefe suku no administradór postu administrativu, hafoin guarda florestál Covalima bá observa ai ne’ebé sidadaun sira atu tesi hodi halo negósiu.
Funsionáriu ne’ebé serbisu iha Floresta Covalima hamutuk 31, kompostu husi permanente na’in-sia no kontratadu 18, tékniku planta industriál rua, pesoál limpeza ida no ajente administrasaun ida.
Notísia relevante: Floresta Covalima prepara ai-kameli 1.500 hodi distribui ba agrikultór sira
Jornalista: Celestina Teles
Editora: Maria Auxiliadora
