VIQUEQUE, 23 janeiru 2024 (TATOLI)— Peritu Jéneru husi Programa Dezenvovlimentu Nasaun Unida (UNDP- sigla Inglés), Natalino Guterres, relata, iha 2025, UNDP sei implementa projetu inkluzividade ba dezenvolvimentu integradu ekonómia azúl no verde iha munisípiu Viqueque.
“Ohin, ami hahú introdús projetu ne’e ba ita-nia autoridade no grupu agrikultór sira kona-ba projetu inkluzividade ne’ebé UNDP sei propoin ba dezenvolvimentu ekonómia azúl no verde. Atu ita bele promove inkluzasaun sosiál hodi mellora partisipasaun feto, grupu funeravél ba projetu ida-ne’e”, dehan Natalino Guterres ba joranalista sira, iha edifísiu Servisu Agrikultura Viqueque, tersa ne’e.
Notísia relevante: Diversifika ekonomia azúl hodi proteje rekursu naturál iha tasi
Projetu ne’e, nia dehan foku iha setór prinsipál sira hanesan agrikultura, peska no setór turizmu hodi envolve grupu marsinalizadu sira hodi hasa’e produtividade tanba projetu ne’e kontribui enkonómia iha Timor Leste
Projetu ne’e, sei implementa iha munisípiu rua hanesan Viqueque no Baucau ho totál orsamentu husi UNDP hamutuk millaun $6.
“Ami halo identifikasaun ba suku tarjetu sira Viqueque, hanesan Irabin de Cima, Uma Uain Leten, Vessoru, Fatudere, Maluru, Bibileo no Builale. Tan ne’e, agora ami hahú halo faze preparasaun nune’e ba tinan oin ita bele implementa projetu”, nia relata.
Tuir planu projetu ida-ne’e grupu husi suku tarjetu sira sei submete sira nia-proposta iha fulan juñu no sei implementa projete ínisiu janeiru 2025.
Iha fatin hanesan, Adiministradór munisípiu Viqueque, Januário Soares “Bolly”, reforsa projetu inkluzividade ida-ne’e sei benefísia ba feto, mane inklui grupu funeravél sira, nune’e ba suku tarjetu sira tenke fó kontribuisaun atu bele implementa projetu ne’e ho la’o di’ak.
“Projetu ne’e la’o presiza ita hotu ninia kontribuisaun no ita agradese ba UNDP ne’ebé eskolla ona Viqueque hodi implementa projetu ne’e atu dezenvolve setór agrikultura, peska no turizmu ne’ebé ponténsial iha munisípiu Viqueque”, nia fó hanoin.
Introdús projetu ne’e, husi ekipa UNDP no hetan partisipa husi Diretór servisu agrikultura Viqueque, autoridade lokál, grupu agrikultór no funsionáriu servisu agrikultór sira iha munisípiu Viqueque.
Notísia relevante: UNDP-CI halo reflesaun ba programa PNUD iha TL
Jornalista : Vitorino Lopes da Costa
Editór : Floréncio Miranda Ximenes
