iklan

EKONOMIA, HEADLINE, MUNISÍPIU, OÉ-CUSSE (RAEOA)

 PNDS Oé-Cusse realiza formasaun iha área tolu mellora servisu iha baze

 PNDS Oé-Cusse realiza formasaun iha área tolu mellora servisu iha baze

PNDS Oe-Cusse realiza formasaun Iha área tolu atu haforsa servisu Iha baze. Imajen Tatoli/Abílio Elo Nini.

OÉ-CUSSE, 24 janeiru 2024 (TATOLI) – Programa Nasionál Dezenvolvimentu Suku (PNDS), Rejiaun Administrativa Espesiál Oé-Cusse Ambeno (RAEOA), hala’o formasaun iha área tolu atu mellora servisu di’akliu tán ba ezekusaun programa PNDS 2024 nian iha baze.

Diretór PNDS Oé-Cusse, João Bobo, informa, formasaun ne’e ba funsionáriu 44, kona-bá resiklajén atu eleva sira-nia servisu iha terrenu atu hasa’e sira-nia kapasidade no memoriza fila-fila sira-nia hanoin.

Notísia relevante: PNDS Oé-Cusse sei ezekuta rihun $930-resin atu finansia programa 16 

“Formasaun ne’e  ita hala’o área tolu ba asuntu sosiál, finansa no tékniku implementasaun iha terrenu ho objetivu atu habelar informasaun kona-bá lala’ok implementasaun PNDS iha Oé-Cusse,” João Bobo, ko’alia iha Oé-Cusse, kuarta ne’e.

Nia hateten, bainhira remata formasaun ne’e, sei tún ba iha baze hodi hala’o sensibilizasaun nível suku ba konsellu suku prepara ba faze implementasaun,

“Formasaun ne’e mós ita dirije ba funsionáriu foun sira-ne’ebé foin daudaun rekruta iha 2023 ne’e hamutuk na’in-16, tanba sira foun, entaun presiza kapasita sira,” nia informa.

Formandu Natália Maria da Costa, nu’udar fasilitadór finansa iha sub-rejiaun Pante Makasar, orgullu tanba liuhosi formasaun ne’e, bele aumenta koñesimentu tanba formatu iha matadlan PNDS barak.

“Ha’u orgullu tebes, tanba ha’u nu’udar fasilitadór finansa, ami servisu tinan barak ona, dalaruma ami haluha tiha formatu balu tanba formatu barak, entaun ho formasaun ne’e atu fó hanoin no fanun fila-fali ami, nune’e ami servisu iha baze ho di’ak, tanba programa PNDS ne’e nu’udar programa prioridade hosi Governu, entaun  presiza mellora servisu di’ak liután iha baze,” nia orgullu.

Notísia relevante: MAE sensibiliza matadalan ezekusaun projetu PNDS 2024 iha Oé-Cusse

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!