iklan

HEADLINE, MUNISÍPIU, OÉ-CUSSE (RAEOA), POLÍTIKA

Rogério Lobato sauda Arsénio Bano

Rogério Lobato sauda Arsénio Bano

Prezidente Autoridade RAEOA Rogério Lobato no Prezidente Autoridade RAEOA sesante, Arsénio Paixão Bano. Imajen espesiál.

OÉ-CUSSE, 31 janeiru 2024 (TATOLI) – Prezidente Autoridade Rejiaun Administrativa Espesiál Oé-Cusse Ambeno (RAEOA), Rogério Tiago Lobato, sauda no agradese ba Prezidente, Arsénio Paixão Bano, tanba konsege presta ona servisu durante ne’e iha Oé-Cusse Ambeno (RAEOA).

“Ha’u hakarak atu aproveita tempu solene ida-ne’e atu sauda no agradese ba Prezidente sesante RAEOA,  Arsenio Bano no ita-nia pai estimadu aaudozu Ambrosio Bano, ami moris hamutuk iha Soibada, ne’ebé ha’u-nia pai rasik maka hanorin, no ha’u-nia Pai mós saudozu ona,” Rogério Tiago Lobato, diskursu iha otél Ambeno, kuarta ne’e.

Notísia relevante:PM Xanana husu Atoni-oan hamutuk ho Autoridade foun dezenvolve ekonomia sosiál iha Oé-Cusse

Eis Ministru Interiór ne’e, hateten, ita nia aman sira hanorin ita atu hatene agradese, hodi rekoñese Maun Boot Xanana Gusmão hanesan kontinuadór ba sira, hirak-ne’ebé maka liu ona ba mundu seluk.

Tanba sakrífika ona sira-nia moris ba ukun rasik aan Timor Leste nian, ne’e la’ós hanesan aktu gratidaun maibé buat hotu nu’udar aktu ba justisa istóriku.

“Maibe ha’u-nia liafuan seidauk kompleta sé wainhira ha’u seidauk agradese ba imi-nia esforsu tomak ne’ebé mak a-favór ona ba dezenvolvimentu Oé-Cusse Ambeno,” nia orgullu.

Tuir nia, iha turbulénsia laran no asidente ba dalan dezenvolvimentu ne’ebé posibilidade bele hamosu fallansu erru barak ne’ebé mak mensiona iha ne’e, sai hanesan vontade ida hodi serbí ita-nia rai.

“Ba buat hirak-ne’ebé atu mosu mai, ha’u laiha dúvida,  señor Arsénio Bano hadomi nia rai moris fatin Oé-Cusse Ambeno, boa-sorte doutór Arsénio Bano, obrigadu ba ita-boot nia prestasaun servisu ne’ebé ita boot halo ona ba RAEOA,” nia agradese.

Maske nune’e, Rogério Lobato, senti triste mós tanba antes ne’e komisaun organizadora atribui hela konvite maibé Autoridade sesante auzenta iha seiemónia solene pose ba Autoridade foun.

“Maibé ha’u triste uitoan, tanba antes ne’e ami fó hela konvite ba, maibé ohin ha’u-nia kamarada la mai, ne’e ha’u lahatene,” nia tenik.

Notísia relevante: Xanana Gusmão fó pose Prezidente Autoridade RAEOA no Koordenadór ZEESM foun

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!