OÉ-CUSSE, 05 fevereiru 2024 (TATOLI) – Sekretária Rejionál ba Asuntu Edukasaun no Solidariedade Sosiál, InÁcia Tamele, segunda ne’e, oferese livru istóriku kona-bá prosesu luta ukun rasik-an ba estudante sira iha Sentru AprendizajEn Formasaun eskolár (CAFE), Rejiaun Administrativa Espesiál Oé-Cusse Ambeno (RAEOA).
“Ami-nia vizita ohin ne’e, objetivu ida atu introdús ami-nia aan ba iha eskola CAFE, ami mós lori livru ho títulu, ‘Akonselho e tem fator importante para o dezenvolvimentu em todos os pais do mundo. Livru ida-ne’e hakerek ho lian haat, tetún, protugés, indonézia no inglés,” Inacia Tamele, ko’alia iha eskola CAFE Oé-Cusse.
Notísia relevante: Rogério Lobato identifika CAFE Oé-Cusse enfrenta problema bee-moos no laiha kampu desportiva
Nia informa, atu eleva kualidade ensinu aprendizajén iha eskola ne’ebé ho kualidade di’ak, tenke apoia mós ho materiál didátiku ho livru, tan ne’e ivru sira-ne’e importante tebes ba labarik sira atu aprende no lee.
“Sei sira lee ona, oinsá hatene prosesu lala’ok ukun-aan ne’e, livru ida-ne’e hakerek autór sira-ne’ebé maka luta ba ukun rasik-aan, liuhosi livru ida-ne’e bele apoia sira, bainhira sira estuda iha matéria Geografia, tanba durante ne’e iha limitadu, maibé ba futuru sei distribui mós ba eskola sira iha sub-rejiaun Oésilo, Pássabe no Nítibe,” nia promete.
Iha biban, Koordenadór CAFE Oé-Cusse, Aleixo Coa, agradese tanba autoridade oferese livru istóriku, tanba estudante maioria foinsa’e bele aprende hodi hatene prosesu luta ba ukun rasik-aan.
“Ohin edukasaun oferese ami livru istóriku sira ho nia promosaun uza língua haat, ba parte ida-ne’e ami agradese no sei koordena nafatin ho membru autoridade sira no Prezidente Autoridade atu oinsá bele hala’o servisu hodi eleva kualidade edukasaun liuhosi formasaun ba profesór sira no estudante sira oinsá bele ko’alia portugés ho di’ak liután,” nia orgullu.
Notísia relevante:Eskola CAFE Oé-Cusse selebra loron mundiál meiu ambiente ho atividade rua
Entretantu, totál estudante iha eskola CAFE Oé-Cusse hamutuk 900, hahú hosi pré-eskolár to’o ensinu sekundáriu ho totál profesór hamutuk 20, permanente hamutuk 12 maioria timoroan ho profesór hosi Portugál sira hamutuk na’in-ualu.
Nune’e hetan mós apoia hosi profesór kontratadu maibé hein desizaun Ministériu Edukasaun ba prosesu ingresu espesiál.
Jornalista: Abílio Elo Nini
Editór: Evaristo Soares Martins
