iklan

BOBONARO, HEADLINE, MUNISÍPIU, SAÚDE

INFP responde ona ai-moruk bá Saúde Bobonaro

INFP responde ona ai-moruk bá Saúde Bobonaro

Ekipa Institutu Nasionál Farmasia Produtu Médiku, hatún hela ai-moruk hodi responde ba nenesidade Farmasia Diresaun Servisu Munisipál Saúde, Autoridade Munisípiu Bobonaro. Imajen Tatoli/Sérgio da Cruz.

BOBONARO, 22 fevereiru 2024 (TATOLI)-Intitutu Nasionál Farmasia Produtu Medíku (INFP) rejionál Maliana, kinta ne’e halo distribuisaun ai-moruk ba armazein Farmasia Servisu Saúde Munisipál Autoridade Munisípiu Bobonaro.

Koordenadór INFPA Armazein Rejionál Maliana, Luís Sequiera Bobo, esplika ditribuisaun ne’e bazea ba pedidu ne’ebé ofisiál Farmasía Servisu Munisipál Saúde hato’o.

Notísia Relevante:Estoke ai-moruk esensiál iha Sentru Saúde Bobonaro sufisiente

“Ai-moruk ne’ebé ita distribui mai item konsumiveis, medisina, entaun ita bazea ba ida-ne’e halo distribuisaun,” nia informa ba jornalista sira hafoin halo distribuisaun ai-moruk iha edifísiu servisu saúde munisipál Bobonaro.

Nia hatutan, daudaun ne’e estoke ai-moruk item 236 mak disponivel hela, maibé iha kategoria ba medisina 30% mak estoke out no konsumiveis iha 25% mak estoke out.

“Ita atende tuir kuantidade ne’ebé iha armazein, tanba ita-nia estoke mos menus ona, entaun ita tenke reduz kuantidade labele atende hotu tuir kuantidade ne’ebé mak sira husu.”

Diretór Servisu Munisipál Saúde Munisípiu Bobonaro, Gíl Bernardo Vicente, hateten dadaun ne’e estoke ai-moruk esensiál sifisiente ona, maske item lima seidauk responde.

“Ita hato’o ba ne’e sira bele responde hotu, item 21 mak laiha hosi INFP, maibé ai-moruk sira-ne’e ami-nia farmasia munisípiu sei iha, esoke laiha loos mak catropril, amoxilin sirup, azitromixilin, xefising no diclofenad,” nia katak.

Gil Bernado hatutan tuir planu iha semana ida rua sei halo distribuisaun tutan ba fasilidade saúde sira iha munisípiu Bobonaro atubele halo atendimentu saúde ba komunidade ne’ebé moras.

“Ita-nia ai-moruk agora iha ona,;ba komunidade ne’ebé moras favór hakbesik-aan ba fasilidade saúde atubele hetan atendimentu ne’ebé di’ak,” nia dehan.

Tuir dadus, munisípiu Bobonaro iha aldeia 193, suku 50, postu administrativu neen ho totál populasaun 106,543 ho nia totál xefe família 20,802.

Notísia relevante: Ai-moruk item rua stoke out iha saúde Bobonaro

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!